ՀՅԴ Հայատանի ԳՄ յայտարարութիւնը Հ.Յ. Դաշնակցութեան Հայաստան Վերադառնալու օրւայ առիթով

34 տարի առաջ, այս օրը, 1990 թ․ օգոստոսի 8-ին Հայ Յեղափոխական Դաշնակցութիւնն յայտարարեց Հայաստան իր ՎԵՐԱԴԱՐՁ-ի մասին։

Դաշնակցութիւնն իր կազմակերպական ներկայութիւնն էր վերահաստատում Հայրենիքում, որի զօրացմանն ու պետականութեան վերակերտմանը նւիրւել էր անմնացորդ եւ անսակարկ։

1988-ի ազգային-ազատագրական պայքարը նոր հանգրւան էր Դաշնակցութեան համար։

Դաշնակցութիւնը՝ «Դէպի Երկիր» կարգախօսով որդեգրեց իր նոր երթը՝ վերադառնալով Հայրենիք եւ մասնակիցն ու դետակատարը դառնալով Արցախի ազատագրական պայքարի ու Հայրենիքի անկախութեան վերակերտմանը։

Դա նւիրումի ճանապարհ էր՝ խարսխւած գիտակցւած զոհաբերութիւնների, կուսակցութեան քաղաքական պատասխանատւութեան եւ անկախ պետականութիւն կերտելու նւիրական երազանքի վրայ։

Հայաստան-Արցախ-Սփիւռք միասնականութեան գաղափարի վրայ կառուցելով իր տեսլականը, Դաշնակցութիւնն ու դաշնակցականն անցնող տասնամեակներում մշտապէս եղան Արցախեան բոլոր ազատամարտերի առաջնագծում՝ արեամբ գծելով ու ամրագրելով Հայրենիքի սահմանը։

Անցնող երեք տասնամեակներին Դաշնակցութիւնը Հայաստանի եւ Արցախի անկախութեան կերտման քաղաքական կարեւոր դերակատարներից էր՝ ճակատում, երկրի ներքին կեանքում եւ Սփիւռքում՝ այդ ճանապարհին արձանագրելով թէ’ անուրանալի ձեռքբերումներ, ցաւօք, նաեւ բացթողումներ։

Եւ, այդուհանդերձ, մեր սկզբունքներն ու արժէքները եղան ու մնացին աննահանջ՝ «Հայրենիքն ու պետականութիւնն ամէն բանից վեր»։

Այսօր էլ, գոյաբանական ծանրագոյն մարտահրաւէրների յորձանուտում, Դաշնակցութեան հաւատամքն ու թիրախները նոյնն են՝ իր կառոյցի ողջ կարողականութեամբ ծառայել հայոց պետականութեան կենսունակութեանը, բոլոր ճիգերը գործադրել կասեցնելու երկրի կործանարար ընթացքը, վերականգնել մեր ազգային արժանապատւութիւնն ու յաղթանակներ կերտող հայ մարդու ոգին։

Սիրելի հայրենակի՜ց, Դաշնակցութիւնը քո կողքին է։ Միասին մենք կարո՛ղ ենք։

ՀՅԴ Հայաստանի Գերագոյն մարմին

Օգոստոս 8, 2024, Երեւան