Լոյս է տեսել ՀՅԴ պաշտօնաթերթ «Դրօշակ»-ի 2025 թ. իններորդ համարը
Սեպտեմբերը մեզ համար առանձնայատուկ է նրանով, որ այս ամսին են հռչակւել Հայաստանի եւ Արցախի անկախութիւնները։ Ընթերցողին ներկայացւող «Դրօշակ»-ի այս համարում գերակշռում է անդրադարձը հէնց այս իրադարձութիւնններին, մասնաւորապէս օկուպացւած Արցախի եւ բռնագաղթի ենթարկւած արցախահայութեան ճակատագրին։
«Դրօշակ»-ի հեղինակները այս հարցին մօտեցել են տարբեր տեսանկիւններից, մասնաւորապէս քննութեան առարկայ է դարձել վերադարձի իրաւունքը, որպէս միջազգայնօրէն ամրագրւած պահանջ։ Մշակութաբան Արմինէ Տիգրանեանը ծաւալուն վերլուծութեամբ անդրադառնում է Արցախի պատմական ժառանգութեան ոչնչացման խնդրին՝ հարցը քննելով հէնց միջազգային իրաւունքի լոյսի ներքոյ։
Եթէ Մանուէլ Մկրտչեանը անկախութեան հարցը քննում է հասարակութեան ընկալման տեսանկիւնից, ապա Մարգարիտա Խաչատրեանի ներկայացրած յօդւածը վերնագրւած է «Հայոց պետականութեան իդէալը Համաստեղի «Սպիտակ ձիաւորը» դիւցազնավէպում»:
Ասենք, որ «Դրօշակ»-ի այս համարը աչքի է ընկնում հետաքրքիր ու բազմազան նիւթերով։ Կարծում ենք ընթերցողի հետաքրքրութեանը կարժանանայ նաեւ Հայաստանում գոյութիւն ունեցող վտանգաւոր նիւթերով հարուստ պոչամբարների վերաբերեալ լրագրող Արմէն Վարդանեանի ուսումնասիրութիւնը։ Այնուամենայնիւ համարի յօդւածներով կարմիր թելի պէս անցնող թեման քաղաքականն է իր աշխարհաքաղաքական եւ իրաւաքաղաքական շերտերով։
«Դրօշակ»-ում շարունակում է գերիշխել մտահոգութիւնն Հայաստանի իշխանութիւնների իրականացրած քաղաքականութեան պայմաններում, Արցախի ու արցախցիների խնդրի կողքին, այսօր նաեւ այն մարտահրաւէրների համար, որոնց դիմաց կանգնած է Հայաստանը։
«Դրօշակ»-ի 2025 թ. իններորդ համարը համացանցում կարող էք գտնել droshak.am հասցէի ներքոյ:
Ներբեռնել համարը «Դրօշակ» թիւ 9, 2025 թ.
