Լոյս է տեսել ՀՅԴ պաշտօնաթերթ «Դրօշակ»-ի 2026 թ․ իններորդ համարը
Սեպտեմբերեան հասարակաքաղաքական տրամադրութիւնները իւրովի ամփոփւած են «Դրօշակ» պաշտօնաթերթի սոյն թւականի առաջին աշնանային համարում։ Սեպտեմբերը վերջին տարիներին որոշակի յոյզեր ու մտորումներ է ծնում քանի որ այն մեզ մէկ կողմից յուշում է Հայաստանի անկախութեան հռչակման մասին՝ 1991 թւականին եւ միւս կողմից ցաւագին կերպով յիշեցնում է, որ նոյն այդ թւականի սեպտեմբերի 2-ը Լեռնային Ղարաբաղի (Արցախի) անկախութեան հռչակման օրն է։ Ոմանք իհարկէ շատ կը ցանկանային, որ Արցախի պետականութեան հռչակման այդ օրը եւ ընդհանրապէս Արցախին առնչւող ամէն ինչ ջնջւէր ու մոռացւէր օր առաջ։ Բայց եթէ մենք ժառանգորդն ենք հայոց հազարամեակների պատմութեան եւ ներկայի երբեք չենք կարող ժխտել ինքներս մեզ եւ մեր ինքնութիւնը։
Այդ ոգով էլ Դաշնակցութեան «Դրօշակ» պաշտօնաթերթն իր պարտքն է համարել հերթական համարում եւ առանձին յօդւածներով եւ ընդհանուր վերլուծութիւններով անդրադառնալու Արցախի թեմային, վերջինիս դէմ ադրբեջական արշաւի շարունակմանը՝ այս անգամ հոգեւոր-մշակութային ցեղասպանութեան, պատմակեղծարարութեան ճանապարհով։ Ոչ միայն Արցախի, այլեւ արդէն Հայաստանի դէմ ծաւալւող այս արշաւի առջեւ կանաչ լոյս է վառւած ի դէմս Հայաստանի իշխանութեան աջակցող լռութեան։
Ահա այս ոգով գրւած յօդւածներ կը գտնի ընթերցողը «Դրօշակ»-ի նոր համարում։ Անշուշտ մոռացւած չեն նաեւ վերջիններին առնչւող օրւայ այնպիսի զգայուն թեմաներ ինչպիսիք են ԱՄՆ նախագահ Թրամփի անունով զարգացող գործընթացները Զանգեզուրեան միջանցքի շուրջ, Հայաստանի իշխանութիւնների փորձերը վերակողմնորոշելու Հայաստանի տնտեսութիւնը՝ յատկապէս թուրքադրբեջանական տանդեմի կողմը եւ այլն։
Կարմիր թելի պէս ներկայացւող յօդւածներում արտացոլում է գտել Հայաստանի ներքաղաքական, ներհասարակական մթնոլորտը, իշխանութիւնների հակազգային, հակաօրինական, բռնապետական վարքը։
Ներկայացւող յօդւածներում այս իրողութիւնները քննւում են տարածաշրջանային եւ աշխարհաքաղաքական իրողութիւնների խորապատկերի վրայ, քանի որ տւեալ իրադարձութիւնները կապւած են մեծ գործընթացների հետ եւ ինչպէս այսօր, նոյնպէս եւ գալիք օրերում ուղղակիօրէն կրելու են դրանց ազդեցութիւնը։
Կոնկրետ տւեալներով հիմնաւորւած այս հրապարակումները կարելի է ընթերցել droshak.am հասցէի ներքոյ:
Ներբեռնել համարը «Դրօշակ» թիւ 9 2026 թ.
