Իրանի լրագրողների ակումբը՝ «ԱԼԻՔ»-ի 95-ամեայ պատմութեան մասին
«Բադբան» լրատւական կայքը Նիմա Նուրբախշի յօդւածով ծաւալուն անդրադարձ է հրապարակել «ԱԼԻՔ» օրաթերթի 95-ամեայ պատմութեան, գործունէութեան եւ իրանահայ համայնքում ունեցած դերին։
«Իրանի հայերի ձայնը» խորագրով հրապարակման մէջ «ԱԼԻՔ»-ը ներկայացւում է որպէս Իրանի միակ հայալեզու եւ «Էթէլաաթ» օրաթերթից յետոյ՝ երկրում լոյս տեսնող ամենահին օրաթերթը։ Հեղինակը շեշտում է թերթի դերը ոչ միայն որպէս լրատւամիջոց, այլեւ իրանահայութեան պատմական յիշողութիւնը, լեզուն ու մշակոյթը պահպանող կենդանի արխիւ։
Հրապարակման մէջ անդրադարձ է կատարւում նաեւ «ԱԼԻՔ»-ի հիմնադրման պատմութեանը, առաջին համարին եւ հիմնադիրներին, ինչպէս նաեւ թերթի տպագիր մամուլից մինչեւ թւային դարաշրջան շարունակւող գործունէութեանը։
Հեղինակն «ԱԼԻՔ»-ը դիտարկում է նաեւ որպէս իրանահայ համայնքի եւ իրանական հասարակութեան միջեւ կապող օղակ ընդգծելով թերթի 95-ամեայ շարունակական ներկայութիւնը։
