Պատմութիւնը կրկնւելու յատկութիւն ունի
«Վերածնւած հայրենիք» ՀԿ նախագահ Տարօն Յակոբեանը «Ֆէյսբուք»-եան իր էջում գրում է.
««Այս հողն է ինձ ծնել, այս հողին եմ պարտական ունեցածիս համար։ Հիմա եկել է փոխհատուցման պահը»։ Արթուր Մկրտչեան
Պատմութիւնը կրկնւելու յատկութիւն ունի:
Մեր պետականութեան պատմութեան մէջ երկրորդ դէպքն է, երբ պաշտօնական Երեւանը չի շնորհաւորում Արցախի Հանրապետութեան նորընտիր ղեկավարին:
Յ. Գ. – Ցանկանում եմ յիշեցնել, որ 1992 թւականի յունւարի 7-ին Արթուր Մկրտչեանը ԼՂՀ ԳԽ նախագահ ընտրւելուց յետոյ վերջինս չընդունւեց ՀՀ իշխանութիւնների կողմից եւ նոյնիսկ ՀՀ նախագահը պահանջեց հրաժարական տալ: Եւ պաշտօնական Երեւանը Արցախի համար այդ դժւարին ժամանակաշրջանում գնաց բացայայտ քաղաքական առճակատման: Դրա վառ արտայայտութիւնը դարձաւ ԼՂՀ-ի իշխանութիւնների նկատմամբ Լեւոն Տէր-Պետրոսեանի հետագայ մի շարք ձեռնարկւած քայլերը (ներքաղաքական պառակտումից սկսած մինչեւ ռազմական անյաջողութիւնները եւ տարածքային կորուստները)»:
