«ԱԼԻՔ» – «Սիոնիստական ռեժիմի դէմ իրականացւած «Ճշմարիտ խոստում» գործողութիւնը բարձրացրել է Իրանի դիրքերը տարածաշրջանային եւ համաշխարհային տէրութիւնների շարքում»: Ինչպէս հաղորդում է ԻՌՆԱ-ն՝ այս մասին երէկ՝ մայիսի 5-ին, նահանգապետերի հետ հանդիպման ժամանակ յայտարարել է Հանրապետութեան նախագահ այաթ. Սէյէդ Էբրահիմ Ռէյիսին:
Նշելով, որ «Ճշմարիտ խոստում» գործողութիւնը կարեւոր հանգրւան էր Իրանի պատմութեան մէջ, նախագահ Ռէյիսին ասել է, որ այն «ամրապնդեց Իրանի ուժը, հզօրութիւնը, արժանապատւութիւնն ու յոյսը եւ ապացուցեց, որ Իրանի ժողովուրդը ձգտում է ազատ ու անկախ կեանքի»։
