«ԱԼԻՔ» – ԱԳ նախարար Սէյէդ Աբբաս Արաղչին Իսրայէլի հետ յարաբերութիւններում լարւածութիւնը թօթափելու մասին, Հանրապետութեան նախագահին վերագրւող որոշ մէջբերումները, որոնք տարածւել են արեւմտեան լրատւամիջոցների միջոցով:
Մեր երկրի արտաքին քաղաքական գերատեսչութեան ղեկավարը հաւաստիացրել է, որ դրանք չեն համապատասխանում իրականութեանը:
«Ընդհակառակը, դոկտ. Փեզեշքիանն որոշ ամերիկեան լրատւամիջոցների ղեկավարների հետ հանդիպման ժամանակ, խստօրէն դատապարտել է Սիոնիստական ռեժիմի յանցագործութիւնները Գազայում եւ Լիբանանի նկատմամբ ագրեսիան՝ ընդգծելով, որ այդ յանցագործութիւնները չեն համապատասխանում մարդասիրական ու միջազգային չափանիշերից որեւէ մէկին, եւ անյապաղ պէտք է դադարեցւեն: Նա նաեւ յստակ յայտարարել է, որ այդ յանցագործութիւնները, այդ թւում՝ Թեհրանում նահատակ Հանիէի սպանութիւնը, անպատասխան չեն մնայ, եւ որ այդ պատասխանը կիրականացւի ժամանակին»,- պարզաբանել է Արաղչին:
Յիշեցնենք, որ Փեզեշքիանի հետ վերոնշեալ կայացած հանդիպման աւարտից յետոյ, ամերիկեան լրատւամիջոցները, մասնաւորապէս Bloomberg-ը սադրիչ լրատւութիւն էին տարածել՝ նշելով, որ հանդիպման ժամանակ նախագահը յայտարարել է, որ Իրանը պատրաստ է թօթափել Իսրայէլի հետ լարւածութիւնը:
