«ԱԼԻՔ» – Երէկ՝ նոյեմբերի 10-ին, Սիստան եւ Բալուչիստան նահանգի Սարաւան քաղաքի Սիրքան շրջանում տեղի ունեցած ահաբեկչական յարձակման հետեւանքով զոհւել են տեղի «Բասիջ»-ի 5 անդամ: Այս մասին յայտնել է Իսլ. յեղափոխութեան պահապանների կորպուսի ցամաքային ուժերի «Ղոդս» բազայի հանրութեան հետ կապերի վարչութիւնը:
Վարչութիւնից յայտնել են, որ ահաբեկիչներին յայտնաբերելու եւ չէզոքացնելու գործողութիւնն ընթացքի մէջ է:
Նշենք, որ երէկ «Անվտանգութեան նահատակներ» հակաահաբեկչական գործողութեան խօսնակ, գեներալ-մայոր Ահմադ Շաֆային տեղեկացրել էր, որ գործողութեան շրջանակում մինչ օրս ոչնչացւել է 15 ահաբեկիչ, ձերբակալւել՝ 33-ը:
Մասնաւորապէս, նոյեմբերի 10-ի օրւայ ընթացքում ոչնչացւել է 9 ահաբեկիչ, իսկ 2 ահաբեկիչ ինքնակամ յանձնւել են անվտանգութեան ուժերին:
