Պուտինն ու Շոլցը հեռախօսազրոյց են ունեցել
«ԱԼԻՔ» – ՌԴ նախագահ Վլադիմիր Պուտինը հեռախօսազրոյց է ունեցել Գերմանիայի կանցլեր Օլաֆ Շոլցի հետ գերմանական կողմի նախաձեռնութեամբ։ Այս մասին ըստ միջազգային ԶԼՄ-ների՝ յայտնում են Կրեմլից։
Ռուսաստանի նախագահն ասել է, որ Ուկրաինայի վերաբերեալ հնարաւոր պայմանաւորւածութիւնները պէտք է հիմնւած լինեն նոր տարածքային իրողութիւնների վրայ եւ վերանան հակամարտութեան բուն պատճառները։
Պուտինը յիշեցրել է, որ ներկայիս ճգնաժամը ՆԱՏՕ-ի երկար տարիների ագրեսիւ քաղաքականութեան ուղղակի արդիւնքն է, իսկ Մոսկւան երբեք չի հրաժարւել եւ բաց է Կիեւի կողմից ընդհատւած բանակցութիւնների վերսկսման համար։
Ռուսաստանը միշտ կատարել է իր պայմանագրային պարտաւորութիւնները էներգետիկ ոլորտում եւ պատրաստ է փոխշահաւէտ համագործակցութեան, եթէ գերմանական կողմից հետաքրքրութիւն լինի դրանում։
Գերմանական լրատւամիջոցների փոխանցմամբ, Շոլցն ասել է, որ Գերմանիան կը շարունակի այնքան ժամանակ օգնել Ուկրաինային, ինչքան դա կը պահանջւի։
