Բոլորով ընդունեցին, որ «ուսապարկ են»

ՍԵՒԱԿ ՅԱԿՈԲԵԱՆ
Yerevan.today-ի գլխաւոր խմբագիր

Կարդում եմ՝ «Վարչապետը չի կարող հրահանգաւորել պատգամաւորներին վայր դնել մանդատները, իրենք կարող են շարունակել գործել խմբակցութիւնից դուրս՝ որպէս անկախ պատգամաւոր»: Այ ձեր հօր Աստծուն մեռնեմ, ի՞նչ պատգամաւոր, մարդիկ իրենք իրենց կոչել են «ուսապարկ», այնպէս ինչպէս Վահէ Ղազարեանը, ինչպէս Արգիշտի Քեարամեանը, Սասունը, Գնէլը, Ռուստամը, Կարէնը Անդէասեան՝ ՀՀ անկախ մարմնի ԲԴԽ նախագահ․․․ Հլը բացէք՝ Բարձրագոյն դատական խորհրդի նախագահ:

Այ էս բոլորով ընդունեցին, որ «ուսապարկ են»: Առանց անգամ հարց տալու, WhatsApp-ի կամ աւելի վատ՝ Viber-ի հաղորդագրութիւնով, խելօք-խելօք հրաժարական տւեցին, չնայած որ վստահ էին, որ այն ամէնը, ինչ ասել է, արել են «բարձր մակարդակով»: Ու չնայած դրան ընդունեցին, որ իրենց հետ այդպէս կարելի է վարւել։

Ու կապ չունի, որ կարող է վաղը մէկին մի տեղ տանի, միւսին իրեն ֆորմալ խորհրդական նշանակի, մէկ է՝ նոյնն էք, թէ՛ իր համար, թէ՛ ինքներդ ձեզ համար։

Չէ մի, չէ՝ ՔՊ պատգամաւոր, նիկոլական նախարար, ԲԴԽ նախագահ։