«ԱԼԻՔ» – Բանդար Լենգէի նահանգապետարանի տարածած տեղեկութիւնների համաձայն մահապարտի միջոցով ոստիկանութեան հրամանատարներից մէկի դէմ իրականացւել է ահաբեկչական գործողութիւն:
Հրապարակումների համաձայն գործողութեան հետեւանքով զոհւել է երկրի անվտանգային համակարգի սպաներից մէկը, եւս մէկ մարդ վիրաւորւել է։ Այս մասին է տեղեկացրել «Թասնիմ»-ը:
Աղբիւրի համաձայն կուսակալ Ֆաւադ Մուրադզադէն բացառիկ հարցազրոյց է տւել «Թասնիմ»-ին, որի ընթացքում էլ տեղեկացրել է քաղաքի ոստիկանական հրամանատարներից մէկի վրայ մահապարտ ահաբեկչական յարձակման մասին որոշ մանրամասներ:
Բանդար Լենգէի նահանգապետը նշել է նաեւ, որ կապիտան Մոջթաբա Շահիդիի դէմ իրականացւած ահաբեկչական գործողութեան արդիւնքում սպանւել է նաեւ ինքը՝ մահապարտ ահաբեկիչը:
