«ԱԼԻՔ» – Վերջին մի քանի օրերին Արդաբիլ նահանգում հարեւան երկրների հեղինակաւոր լրտեսական ծառայութիւններից մէկի հետ համագործակցող անձի ձերբակալութիւնից յետոյ, նահանգի դատախազի հրահանգով, յատուկ գործողութեան արդիւնքում՝ Արդաբիլում բացայայտւել եւ ձերբակալւել է «մոնաֆեղին» ահաբեկչական խմբին առնչւող ցանցի ղեկավարը։
Ըստ Tasnim լրատւական գործակալութեան, Արդաբիլի նահանգի կենտրոնի գլխաւոր դատախազն նոյն առընչութեամբ յայտարարել է. «Նահանգային ԻՊՀԿ-ի հետախուզական ստորաբաժանման ջանքերով, ինչպէս նաեւ կիբերհետախուզական աշխատանքների արդիւնքում բացայայտւել է «մոնաֆեղին» խմբաւորման հետ կապւած այդ ցանցը, որը հակաիրանական մօտեցումներով լրատւական միջոցների հետ համագործակցելու եւ վիրտուալ տարածքում հասարակութեան մէջ ապատեղեկատւութիւն քարոզելու, ինչպէս նաեւ ահաբեկչական եւ հակաանվտանգային գործողութիւններ իրականացնելու վարկածով ձերբակալւել է դատական կարգով։
Ջալալ Աֆաղին յաւելել է, որ անվտանգութիւնը դատախազութեան կարմիր գիծն է, իսկ դատականհամակարգի վերցրած քայլը անվտանգութիւնը, մարդկանց կեանքը, ունեցւածքը, բարեկեցութիւնը եւ խաղաղութիւնը վտանգող տարրի ու Իրանի թշնամիների նկատմամբ, դաս է մնացածների համար:
