Ադրբեջանում Հայաստանի հետ սահմանը յամառօրէն անւանում են «պայմանական»
«ԱԼԻՔ» – Ադրբեջանում Հայաստանի հետ սահմանը շարունակում են յամառօրէն անւանել «պայմանական»։
Ինչպէս յայտնել է APA-ն, Ադրբեջանի պաշտպանութեան նախարար Զաքիր Հասանովի գլխաւորութեամբ տեղի է ունեցել պաշտպանութեան նախարարութեան կոլեգիայի նիստ 2024 թ. արդիւնքների վերաբերեալ։ Այս մասին տեղեկացնում է news.am-ը:
Պաշտպանութեան նախարարը յատկապէս ընդգծել է «Ադրբեջանի պաշտպանական հզօրութեան եւ տարածաշրջանի գլոբալ ուժային կենտրոնի վերածւելու կարեւորութիւնը» եւ, հետեւաբար, հանգամանօրէն խօսել է ընթացիկ տարւայ բանակաշինութեան պլանների մասին։ Մասնաւորապէս, խօսւել է «ադրբեջանական բանակի զինանոցում նորագոյն տեխնոլոգիաների հիման վրայ ստեղծւած ժամանակակից սպառազինութեան համակարգերի մասին»։
«Վերլուծւել է նաեւ ադրբեջանա-հայկական պայմանական սահմանին առկայ օպերատիւ իրավիճակը»։
«Տրւել են համապատասխան յանձնարարականներ՝ պայմանական պետական սահմանին մարտականհերթապահութիւն կազմակերպելու, անվտանգութեան կանոնների խստիւ պահպանման, զգօնութեան բարձրացման, հակառակորդի գործողութիւնների շարունակական մոնիթորինգն ու վերահսկողութիւնն առաւել ուժեղացնելու ուղղութեամբ։ Պաշտպանութեան նախարարը համապատասխան յանձնարարականներ է տւել պաշտօնատար անձանց՝ յենակէտերում եւ մարտական դիրքերում բոլոր տեսակի ռեզերւների ստեղծմանն ուղղւած մշտական ուշադրութեան առումով»,- յայտնել են լրատւամիջոցները։
