«ԱԼԻՔ» – Իսլ. խորհրդարանը քւէարկել է էկոնոմիկայի նախարար Աբդոլնասեր Հեմաթիի իմպիչմենտի օգտին: Նա ազատւել է պաշտօնից: Տեղեկացնում են իրանական ԶԼՄ-ները:
Tasnim-ի համաձայն՝ խորհրդարանի մարտի 2-ի հրապարակային նիստում պատգամաւորների օրակարգում՝ էկոնոմիկայի եւ ֆինանսների նախարար Աբդոլնասեր Հեմաթիի իմփիչմենթի քննարկումներն էին:
Տեղի ունեցած հանրային նիստում խորհրդարանը ձայների մեծամասնութեամբ հաւանութիւն տալով էկոնոմիկայի նախարար Աբդոլնասեր Հեմաթիի իմփիչմենթի առաջարկին, նրան ազատեց նախարարի պաշտօնից։
Նիստի ընթացքում նախկին էկոնոմիկայի նախարարին պաշտպանել է նախագահ Մասուդ Փեզեշքիանը, որից յետոյ իր գործունէութիւնը պաշտպանելու համար ամբիոնին է մօտեցել Հեմաթին:
Աղբիւրի համաձայն իմպիչմենտը ի վերջոյ դրւել է քւէարկութեան, եւ ընդհանուր 273 ձայնից Հեմաթիի իմպիչմենտին համաձայնել է 182 պատգամաւոր, դէմ է արտայայտւել 89-ը, իսկ ձեռնպահների ու անվաւեր ձայների թիւը կազմել է մէկական ձայն։
Ռահմաթօլլահ Աքրամին նշանակւել է էկոնոմիկայի նախարարի ժամանակաւոր պաշտօնակատար
Նախագահի հրամանագրով Ռահմաթօլլա Աքրամին նշանակւել է էկոնոմիկայի նախարարի պաշտօնակատար։
Աքրամին նախկինում զբաղեցրել է էկոնոմիկայի փոխնախարարի պաշտօնը՝ երկրի ֆինանսական վերահսկողութեան եւ գանձապետարանի պատասխանատուի բաժիններում։
Նա 2018 թւականին եւս երկու ամիս (սեպտեմբերից մինչեւ նոյեմբեր) Մասուդ Քարբասիանի իմբիչմենտից յետոյ Հասան Ռոհանիի կառավարութեան ազատւած նախարարին է փոխարինել Ֆինանսների նախարարութիւնում՝ ժամանակաւոր պաշտօնակատարի յանձնարարութեամբ:
