«Զիջել Սիւնիքը, որը թուրքական աշխարհի խոչընդոտն է․ ովքեր դեռ այդպէս էլ չեն հասկացել, թէ ինչ է իրենից ներկայացնում «իրական Հայաստան» ասւած «գաղափարախօսութիւնը»
ՍՏԵՓԱՆ ԴԱՆԻԷԼԵԱՆ
Քաղաքագէտ
«ԱԼԻՔ» – «Ովքեր դեռ այդպէս էլ չեն հասկացել, թէ ինչ է իրենից ներկայացնում «իրական Հայաստան» ասւած «գաղափարախօսութիւնն», ապա մի քանի թէզերով դա պարզ ներկայացնեմ։
– Մենք շրջափակւած ենք Թուրքիայով եւ Ադրբեջանով եւ այս «իրողութիւնը» չենք կարող փոխել։
– Մեր ոչ հեռաւոր նախնիները դա չեն հասկացել, չեն ցանկացել ապրել Թուրքիայի ու Ադրբեջանի կազմում, ապստամբել են ու պատժւել են։
– Մեր թշնամութիւնը թուրքերի հանդէպ օգտագործել են օտար ուժերն իրենց իմպերիալիատական նպատակների համար։
Դրա համար մենք պէտք է ընկալենք այս «իրողութիւնն» ու. կատարենք բոլոր պահանջները.
– մոռանալ Ցեղասպանութիւնը, որի համար մենք ինքներս ենք մեղաւոր, քանի որ անկախ պետականութիւն ենք ցանկացել,
– հրաժարւել Արցախից, ինչը գիտակցւած կերպով արել է «Իրական Հայաստան» կառուցող գործող իշխանութիւնը,
– փոխել մշակոյթը, պատմութեան դասագրքերը, ջնջել անցեալի գրականութիւնը, որոնք ներծծւած են ազգայնականութեամբ եւ հակաթրքութեամբ,
– այս, թէ այն ձեւակերպմամբ զիջել Սիւնիքը, որը թուրքական աշխարհի խոչընդոտն է, գուցէ նաեւ Սեւանի մի հատւածը,
Այս ամէնն անելուց յետոյ, թուրքերը մեզ կը խղճան, հիմնաւոր պատճառ չեն ունենայ մեզ հետ թշնամութիւն անելու եւ մենք ներկայ Հայաստանի որոշ հատւածից կը ստանանք «Իրական Հայաստան» եւ, գուցէ, կը կարողանանք գոյութիւն պահպանել։
Սա մշակւած թէզեր են, որի գաղափարախօսն է Ժիրայր Լիպարիտեանը, ՔՊ-ի, եւ ոչ միայն ՔՊ-ի, հոգեւոր հայրը»։
Այս մասին հաղորդել է para.tv-ն:
