Կարէն Սիմոնեան. «Մենք ոչ թէ պաշտօնների սակարկութեան մէջ ենք մտնում, այլ քւէարկում ենք՝ յանուն ՔՊ-ի իշխանազրկման»
Յարգելի՛ գիւմրեցիներ,
«Մայր Հայաստան» դաշինքը Գիւմրու աւագանու արտահերթ ընտրութիւններին մասնակցում էր՝ նւազագոյն քաղաքական նպատակ ունենալով «Քաղաքացիական պայմանագրի» իշխանազրկումը, իսկ առաւելագոյնը՝ քաղաքի կառավարման ղեկը ստանձնելը: Լուրը հաղորդում է Yerevan.today-ը:
Մենք քարոզարշաւից առաջ հրապարակել էինք մեր սկզբունքները եւ մէկ միլիմետր անգամ չենք շեղւել այդ սկզբունքներից:
Ուրախ եմ, որ անցողիկ շեմը յաղթահարած «Մեր քաղաքը» դաշինքը վերջապէս հրապարակեց իր որոշումը: Սա համարում եմ բոլորիս յաղթանակը:
Այս պահին կարող եմ ասել, որ մենք նպաստեցինք, որպէսզի «Մայր Հայաստանի» նւազագոյն խնդիրը՝ ՔՊ-ի իշխանազրկումը, իրականութիւն դառնայ եւ ժողովրդի պահանջը կեանքի կոչւի:
Ուզում եմ յատուկ նշել, որ մենք ոչ թէ կոալիցիա ենք կազմում կամ պաշտօնների սակարկութեան մէջ մտնում, այլ քւէարկում ենք՝ յանուն ՔՊ-ի իշխանազրկման:
Մեր հետագայ գործունէութիւնը քաղաքապետարանում եւ դրանից դուրս բխելու է բացառապէս մեր այն ծրագրերից, որոնց համար քւէ ենք ստացել եւ որոնք բխում են Գիւմրու, գիւմրեցիների շահերից:
