Վարուժան Գեղամեան. «Թուրքիայում իզուր են շտապում ցնծալ, թէ PKK-ն զինաթափւում է»
«ԱԼԻՔ» – Թուրքագէտ Վարուժան Գեղամեանը սոցցանցերի իր հարթակներում գրառում է կատարել՝ անդրադառնալով «Քրդական Բանւորական կուսակցութեան» ինքնալուծարման մասին լուրին.
««Քրդական Բանւորական կուսակցութիւնը» (յայտնի PKK հաւատմամբ) այսօր (մայիսի 12-ԽՄԲ.) տարածած պաշտօնական հաղորդագրութեամբ յայտարարել է, որ զինաթափւում է, ինքնալուծարւում է եւ դադարեցնում է զինւած պայքարը։
Թէեւ թուրքական ու միջազգային մեդիաներն ու գործիչները շտապում են ցնծալ՝ նշելով, որ պատմական իրադարձութիւն է տեղի ունեցել եւ աւարտւել է ամենաերկարատեւ ու արիւնալի հակամարտութիւններից մէկը, ես կառաջարկէի յիշել, որ նմանատիպ յայտարարութիւններ նախկինում եւս եղել էին, եւ դեռ յայտնի չէ՝ արդեօք սա կը դառնայ իրականութիւն։
Միաժամանակ տեղին է նշել, որ այդ թւում (գլխաւորապէս) զինւած պայքարի շնորհիւ են քրդերը այսօր հնարաւորութիւն ստացալ ներկայ լինել Թուրքիայի պաշտօնական քաղաքական դաշտում՝ թէեւ ունենալով բազմաթիւ սահմանափակումներ եւ ենթարկւելով բռնաճնշումների։ Այլ բառերով՝ զինւած պայքարը քրդերին դարձրել է իրական գործօն։
Իսկ հաշւի առնելով քրդական աշխարհում տեղի ունեցող սոցիալ-մշակութային եւ քաղաքական զարգացումներն ու առկայ միտումները, մեծ կասկածներ կան, որ այսօրւայ դադարը իրօք երկարաժամկէտ խաղաղութեան կարող է յանգեցնել»,- գրել է նա:
