«ԱԼԻՔ» – Յեղափոխութեան գերագոյն առաջնորդը ԱՄՆ նախագահի՝ ուժի միջոցով խաղաղութիւն հաստատելու պնդումը սուտ է անւանել եւ անդրադառնալով ԱՄՆ կառավարութեան կողմից արաբական երկրներին ԱՄՆ-ից շարունակական կախւածութիւն պահանջող մոդել պարտադրելու փորձին՝ նշել է. «Այս մոդելը, անկասկած, ձախողւել է»։
Շաբաթ՝ մայիսի 17-ին, մեծ թւով ուսուցիչների եւ կրթական ոլորտի գործիչների հետ հանդիպմանը, գերագոյն առաջնորդն անդրադարձել է ԱՄՆ նախագահի վերջին յայտարարութիւններին եւ նրա պնդումը ուժի միջոցով խաղաղութիւն հաստատելու մասին համարել նրա հերթական սուտը: Անդրադառնալով ԱՄՆ կառավարութեան ջանքերին՝ արաբական երկրներին պարտադրելու այնպիսի մոդել, որը նրանց կը տայ միայն ԱՄՆ-ից շարունակական կախւածութիւն, նա յաւելել է. «Այս մոդելը, անշուշտ, ձախողւած է: Տարածաշրջանի ժողովուրդների պահանջով ԱՄՆ-ը ե՛ւ կը հեռացւի այս տարածաշրջանից, ե՛ւ կը վերանայ սիոնիստական ռեժիմի քաղցկեղային ուռուցքը, որը չարակամութեան, պատերազմի եւ դաւադրութիւնների ակունք է»։
Նա ընդգծել է նաեւ, որ Իսլ. Հանրապետութիւնը կը շարունակի հզօրանալ եւ թշնամիների «չար աչքը դուրս», յաջողութեամբ նւաճելու է մեծ առաջընթացներ։
Հանդիպման ընթացքում գերագոյն առաջնորդը անհրաժեշտ է համարել ուսուցիչներին ճիշտ բնութագրող դիմանկար պատկերելը եւ հասարակական կարծիքում եւս ուսուցիչների մասին գրաւիչ, ուրախ կերպար ստեղծելը, այն համարելով պատասխանատու գերատեսչութիւնների տեղեկատւական ոլորտի փորձագէտների օրակարգի անբաժանելի մասը:
Նա ընդգծել է. «Կրթութեան եւ վերապատրաստման նոր կառուցւածքը պէտք է այնպէս, որ արդիւնքում կրթւի գիտակ, հաւատարիմ, իրանասէր, աշխատասէր եւ ապագայի հանդէպ յոյսով լի սերունդ»։
