Վարդան Ոսկանեան. «Իրան-Իսրայէլ հակամարտութիւնն աստիճանաբար վերածւում է բազմաշերտ պատերազմի»
«ԱԼԻՔ» – Իրան-Իսրայէլ հակամարտութիւնն աստիճանաբար վերածւում է բազմաշերտ պատերազմի: Նման կարծիքի է իրանագէտ Վարդան Ոսկանեանը։
«Եթէ բոլորը գիտէին, որ իսրայէլական կողմն ունակ է սպանելու իրանական զինւորականների եւ յաղթահարելու Իրանի հակաօդային պաշտպանութիւնը, ապա քչերն էին հաւատում, որ իրանցիները կարող են արդիւնաւէտօրէն հրթիռային հարւածներ հասցնել Իսրայէլին։
Այս առումով վերջին երկու իրանական յարձակումներն, ակնյայտօրէն, իմիջային լուրջ հարւած են հասցրել Իսրայէլին աշխարհում եւ Նեթանիահուի իշխանութեանը երկրի ներսում։
Նախնական նշաններ կան, որ պատերազմը կարող է տեղափոխւել փոխադարձ հիւծման երկարատեւ փուլ, ուստի Նեթանիահուիի իշխանութիւնն ամէն ջանք գործադրում է պատերազմական ուղղակի գործողութիւնների մէջ ներքաշելու ԱՄՆ-ին, ինչը յղի է ողջ Մերձաւոր Սրեւելքով մէկ լայնածաւալ արիւնահեղութեան վտանգով»,- սոցիալական ցանցերի իր հարթակներում գրել է նա:
