Ազիզի. «ՄԱԳԱՏԷ-ի պատւիրակութեանը ոչ մի դէպքում չի տրամադրւի միջուկային օբիեկտներ մուտքի իրաւունք»
«ԱԼԻՔ» – ՄԱԳԱՏԷ-ի ներկայացուցիչները չեն կարողանայ ստուգել միջուկային օբիեկտներն իրենց նախատեսւող այցի ընթացքում: Այս մասին, «Թասնիմ» լրատւական գործակալութեան հետ զրոյցում յայտարարել է Իսլ. խորհրդարանի Ազգային անվտանգութեան եւ արտաքին քաղաքականութեան յանձնաժողովի նախագահ Էբրահիմ Ազիզին:
«Խորհրդարանի կողմից ընդունւած օրէնքների համաձայն՝ ՄԱԳԱՏԷ-ի պատւիրակութեանը, ինչպէս որեւէ այլ օտարերկրեայ տեսուչների, ոչ մի դէպքում չի տրամադրւի միջուկային օբիեկտներ ֆիզիկական մուտքի իրաւունք»,- ասել է Ազիզին:
Ըստ նրա՝ ՄԱԳԱՏԷ-ի պատւիրակութիւնն ունի միայն իրանցի պաշտօնեաների հետ տեխնիկական խորհրդակցութիւններ անցկացնելու լիազօրութիւններ:
Յիշեցենք, որ երէկ՝ օգոստոսի 4 -ին, ԱԳՆ պաշտօնական ներկայացուցիչ Էսմայիլ Բաղային յայտարարել է, որ ՄԱԳԱՏԷ-ի պատւիրակութեան այցը Իրան կը կայանայ առաջիկայ 10 օրւայ ընթացքում։
