Ռուսաստանցիների աւելի քան 80%-ը հաւանութիւն է տալիս Պուտինի գործունէութեանը

«ԱԼԻՔ» – Ռուսաստանցիների մեծամասնութիւնը դրական է գնահատում նախագահ Վլադիմիր Պուտինի գործունէութեանը։ Ըստ Հանրային կարծիքի հիմնադրամի հարցման արդիւնքների՝ հարցւածների 81%-ը կարծում է, որ պետութեան ղեկավարը լաւ է աշխատում, եւ միայն 6%-ն է հակառակ տեսակէտն արտայայտել: Հաղորդում է «ՌԻԱ Նովոստի»-ն։

Միեւնոյն ժամանակ, հարցման մասնակիցների 80%-ը նշել է, որ վստահում է նախագահին, անվստահութիւն է յայտնել միայն 9%-ը։

Քաղաքացիների կէսից աւելին՝ 55%-ը կառավարութեան աշխատանքը դրական է գնահատում՝, հակառակ տեսակէտն է արտայայտել հարցւողների 22%-ը։ Վարչապետ Միխայիլ Միշուստինին աջակցում է հարցւածների 57%-ը, մինչդեռ նրա աշխատանքից դժգոհ է 10%-ը։

Եթէ Պետդումայի ընտրութիւնները տեղի ունենային յաջորդ կիրակի, ընտրողների 43%-ը կը քւէարկէր «Եդինայա Ռոսիա»-ի օգտին, 9%-ը՝ Ռուսաստանի լիբերալ-դեմոկրատական կուսակցութեան, 7%-ը՝ Կոմունիստական ​​կուսակցութեան, 4%-ը՝ «Արդար Ռուսաստանի» եւ 3%-ը՝ «Նոր մարդկանց» կուսակցութիւնների օգտին։

Հարցումն անցկացւել է օգոստոսի 22-24-ը՝ տներ կատարւած հարցումների միջոցով։ Հարցմանը մասնակցել են 51 շրջանների 97 բնակավայրերի 18 տարեկանից բարձր 1500 ռուսաստանցիներ։ Վիճակագրական սխալմունքը չի​գերազանցում 3,6%-ը։