Արաղչի. «Իսրայէլի կողմից մարդկութեան դէմ կատարւած յանցագործութիւնները արդարադատութեան եւ մարդկութեան նկատմամբ ակնյայտ վիրաւորանք է»
«ԱԼԻՔ» – «Իսրայէլի կողմից մարդկութեան դէմ կատարւած յանցագործութիւնները արդարադատութեան եւ մարդկութեան նկատմամբ ակնյայտ վիրաւորանք»: Այս մասին, երէկ երէկոյեան Մուհամեդ մարգարէի ծննդեան 1500-ամեակի առիթով Նիւ Եօրքում կայացած Իսլամական համագործակցութեան կազմակերպութեան յատուկ նիստի ժամանակ յայտարարել է ԱԳ նախարար Սէյէդ Աբբաս Արաղչին: Հաղորդում է «Թասնիմ»-ը:
Իր ելոյթում, Արաղչին ընդգծելով, որ Իսլամական համագործակցութեան կազմակերպութեան շրջանակում Մուհամեդ մարգարէի ծննդեան 1500-ամեակը նշելու նախաձեռնութիւնը պարզապէս յիշատակում չէ, այլ անկեղծ կոչ՝ գործողութեան, որը հիմնւած է Մեծ մարգարէի ազնիւ, բարոյական եւ մարդկային ուսմունքների վրայ։
Ըստ նրա՝ նման քայլով, մասնակիցները կենդանի են պահում Մուհամմեդ մարգարէի կոչը՝ պաշտպանելու ճնշւածներին:
«Այսօր Գազայում սիոնիստական ռեժիմը կոտորում է տասնեակ հազարաւոր անմեղ կանանց, տղամարդկանց եւ երեխաների՝ ամբողջ քաղաքները վերածելով աւերակների կոյտերի: Մարդկութեան դէմ նման յանցագործութիւն կատարելը արդարութեան եւ մարդկայնութեան համընդհանուր արժէքներին ուղղւած ակնյայտ վիրաւորանք է, ինչպէս նաեւ յարձակում՝ Մարգարէի ժառանգութեան վրայ, որն ասել է. «Մի անմեղ մարդու սպանութիւնը նման է ամբողջ մարդկութեանը սպանելուն»
Այս ուսմունքը կոչ է անում միջազգային հանրութեանը անյապաղ միջոցներ ձեռնարկել մարդկային արժանապատւութիւնը պաշտպանելու, մարդկութեան կողքին կանգնելու եւ յանցագործներին պատասխանատւութեան ենթարկելու իրենց բարբարոսական գործողութիւնների համար»,- յայտրարել է Արաղչին:
