Հայաստան - ԱրցախՔաղաքական
«Մեր ձեւով» շարժում. «Ժողովրդի վստահութիւնը կորցրած իշխանութիւնների ակնյայտ բռնաճնշումները վաղ թէ ուշ հասնելու են բոլորին»
«ԱԼԻՔ» – Գիւմրու քաղաքապետ Վարդան Ղուկասեանի ձերբակալութեան եւ հոկտեմբերի 20-ին քաղաքում տեղի ունեցած իրադարձութիւնների մասին յայտարարութեամբ է հանդէս եկել «Մեր ձեւով» շարժումը, որում մասնաւորապէս ասւած է.
««Մեր ձեւով» ժողովրդական շարժումն իր անվերապահ սատարումն է յայտնում Գիւմրիի ընտրւած քաղաքապետին, որի հանդէպ անթաքոյց անհամաչափ ու բիրտ հետապնդում է իրացւում:
Ստեղծւած իրավիճակում մեր երկրի սթափ մտածող իւրաքանչիւր քաղաքացի պէտք է հասկանայ, որ ժողովրդի վստահութիւնը կորցրած իշխանութիւնների ակնյայտ բռնաճնշումները վաղ թէ ուշ հասնելու են բոլորին։ Ու եթէ այս օրերին ժողովուրդը չարտայայտի իր բողոքը եւ չասի իր խօսքը, ապա Հայաստանի Հանրապետութիւնը շատ շուտով վերածւելու է տոտալ բռնապետութեան»:
