Տիգրան Աբրահամեան. «Հոգեւոր մահ ապրածները «պատարագի» անւան տակ քաղաքական բեմադրութիւն էին կազմակերպել»
«ԱԼԻՔ» – «Հոգեւոր մահ ապրածները «պատարագի» անւան տակ քաղաքական բեմադրութիւն էին կազմակերպել»: Այս մասին ֆէյսբուքեան իր էջում գրել է ՀՀ ԱԺ «Պատիւ ունեմ» խմբակցութեան քարտուղար Տիգրան Աբրահամեանը։
«Եկեղեցում Կճոյեանի ու Փաշինեանի համբոյրները, Կաթողիկոսի անունը հնչեցնելու ֆոնին ծամոն ծամող եւ հոգեւոր կեանքին անհաղորդ էակի պահւածքը, ոչ կանոնաւոր «պատարագի» ընթացքում լկտի արտայայտութիւններ թոյլ տւողներն ու քաղաքացիներից ամօթանք ստացող շրջիկ զանգւածի վարքն այն ամէնն է, ինչը նկարագրում է գործող օկուպանտ ռեժիմին:
Համաձայնւէք, որ զւարճալի տեսարան է, երբ հոգեւոր մահ ապրածները «պատարագի» անւան տակ քաղաքական բեմադրութիւն էին կազմակերպել կառավարչի եւ նրա շքախմբի համար, իսկ վերջիններս թէպէտ գիտակցում էին դերասանի իրենց գործառոյթը, սակայն անտաղանդ գալարւում եւ թաւալւում էին խորանի առաջ:
Շատ խորհրդանշական էր Եկեղեցուն, իրենց հոգեւոր եղբայրներին դաւաճանածների եւ սեփական ժողովրդին թշնամի հռչակած ուրացողների հաւաքական թշւառութիւնը:
Մէկ է՝ լոյսը յաղթելու է խաւարին»,- գրել է նա:
