Կոնստանտին Զատուլին. «Լեռնային Ղարաբաղում Ադրբեջանի էթնիկ զտումների փաստը կասկածից վեր է»
![](/wp-content/uploads/2024/01/zatulin-20240131-780x470.jpg)
Պետդումայի ԱՊՀ հարցերով կոմիտէի ղեկավարի առաջին տեղակալ, պատգամաւոր Կոնստանտին Զատուլինը յայտարարել է, որ Լեռնային Ղարաբաղում Ադրբեջանի էթնիկ զտումների փաստը կասկածից վեր է: Այս մասին ըստ News.am-ի՝ յայտնում է ռուսական «Գազետա»-ն։
«Գոնէ այն առումով, որ Լեռնային Ղարաբաղի ողջ բնակչութիւնը լքել է իր տները այն հողից, որն իր հայրենիքն է»,- ասել է նա։
Նա ընդգծել է, որ Ղարաբաղում Ադրբեջանի էթնիկ զտում իրականում տեղի է ունեցել՝ «անկախ նրանից, թէ ով ինչ է ասում մեր աշխարհում, միջազգային կազմակերպութիւններում եւ այլն»։
Զատուլինը մեկնաբանել է նաեւ ոմն Սամուէլ Շիրինեանի գործողութիւնները, ով շրջել է Երեւանի պաշարւած Լենինգրադի երեխաների յուշարձանի մօտ դրւած ծաղկեպսակները։
Ռուս պատգամաւորը յիշեալի գործողութիւնները «բարբարոսութիւն» է անւանել, իսկ նրան՝ «խելագար»։