«ԱԼԻՔ» – ԻԻՀ Պաշտպանութեան խորհրդի քարտուղարութիւնը կոշտ յայտարարութեամբ է արձագանքել Իրանի դէմ սպառնալիքներին եւ Իրանի ներքին գործերին միջամտութեանը՝ պաշտօնապէս զգուշացնելով ուժ կիրառելու պատրաստակամութեան մասին: Տեղեկացնում է ԻՌՆԱ-ն:
Յայտարարութեան մէջ մասնաւորապէս նշւած է, որ երկրի անվտանգութիւնը, անկախութիւնը եւ տարածքային ամբողջականութիւնը անանցանելի «կարմիր գիծ» են»։ Յայտարարութեան մէջ շեշտւում է, որ սպառնալիքների լեզւի կիրառումն ու միջամտողական դիրքորոշումները կը դիտարկւեն որպէս թշնամական վարքագիծ, եւ դրանց շարունակումը անխուսափելիօրէն կը յանգեցնի համարժէք, վճռական եւ որոշիչ պատասխանների։
Պաշտպանութեան խորհուրդն ընդգծել է, որ Իրանը, հիմնւելով ազգային միասնականութեան, զսպման կարողութեան եւ պաշտպանական հարցում լիարժէք պատրաստւածութեան վրայ, չի սահմանափակւի միայն պատասխան գործողութիւններով, քանի որ սպառնալիքի իրական նշանները եւս համարում է անվտանգային հաւասարակշռութեան վտանգի մաս։
