«ԻՌՆԱ» – Երէկ, Թեհրանի Էնղելաբ հրապարակում տեղի ունեցած համահաւաքի ընթացքում, Իրանի Իսլ. խորհրդարանի նախագահ Մոհամմադ Բաղեր Ղալիբաֆը յայտարարել է, որ 90 միլիոնանոց Իրանը, անկախ դաւանանքից ու ազգային-տոհմական պատկանելիութիւնից, մէկ բռունցք դառնալով կանգնեց արտաքին թշնամու դէմ, տապալելով նրանց չարանենգ ծրագրերը կապւած Իրանի մաիսնութիւնը կոտրելու եւ երկիրը մասնատելու նկրտումներին:
Ղալիբաֆը նշել է նաեւ, որ ուրախ է յատկապէս, այն բանի համար եւ վստահ է, որ Իրանը չի զիջել եւ տեղի չի տայ իր ինքնիշխանութեան հարցում, յատկապէս, քաղաքական, տնտեսութեան, եւ մշակոյթի ասպարէզներում:
Իսլ. խորհրդարանի նախագահը յիշեցնելով 12-օրեայ պատերազմի մասին նշել է, որ թշնամին ամէն բան անում է, որ կոտրւի Իրանի դիմադրող կամքը, քանի որ հզօր եւ տարածաշրջանի կայունութեան հարցում որոշիչ դերակատարութեամբ Իրանը, համարւում է միակ իսլամական երկիրը, որին մինչ օրս կոտրել չի յաջողւել Իսրայէլին ու ԱՄՆ-ին: «Սա այն դէպքում, երբ Եւրոպան առանց դիմադրելու կոտրւեց Ուկրայինայի հետ կապւած հաւասարումներում եւ այսօր, ստիպւած է էներգիայի համար աւելի թանկ վճարել քան պատերազմից առաջ»:
Նա անդրադարձել է նաեւ բողոքի ձայնը կառավարութեան կողմից լսւելու անհրաժեշտութեանն ու իրաւունքին, ինչով է պայմանաւորւած նաեւ խաղաղ գոյակցութեան փաստը: «Սակայն ողջունելի չէ օտար օուժերի մուտքը երկիր ցանկացողների արարքը, ինչով է պայմանաւորւած նաեւ ահաբեկիչների ներկայութիւնը»,- նշել է Ղալիբաֆը:
