Համատեղ աղօթքները վկայութիւնն են, որ երբ ժողովուրդը միաբանւում է Տիրոջ առաջ, յոյսն ու հաւատը առաւել են զօրանում
Հայ Առաքելական Սուրբ Եկեղեցու խորհրդաւոր այս շրջանում Արագածոտնի թեմի հոգեւոր դասը, շարունակելով բարեխնամ առաջնորդ Տ. Մկրտիչ եպիսկոպոս Պռօշեանի օրհնութեամբ թեմում կազմակերպւած միասնական աղօթքները, փետր. 20-ին մէկտեղւել էր Կարմրաշէնի Սուրբ Աստւածածին եկեղեցում՝ խաղաղական ժամերգութեան:
Թեմի հոգեւորականներին աղօթակից էին նաեւ Արթիկի թեմի քահանայ հայրեր: Հաւատացեալները միասնաբար աղօթք բարձրացրեցին յանիրաւի անազատութեան մէջ գտնւող սիրելի Առաջնորդի, հոգեւոր հայրերի, անազատութեան մէջ գտնւող զաւակների, գերութեան մէջ պահւող հայորդիների, ինչպէս նաեւ հայրենիքի խաղաղութեան, մեր Սուրբ Եկեղեցու անսասանութեան, Հայոց Հայրապետի եւ ողջ հոգեւոր դասի համար։
Համատեղ աղօթքները վկայութիւնն են, որ երբ ժողովուրդը միաբանւում է Տիրոջ առաջ, յոյսն ու հաւատը առաւել են զօրանում։ Ժամերգութեան աւարտին իր խոսքը ներկաներին ուղղեց Բիւրականի Սուրբ Յովհաննէս եկեղեցու հոգեւոր հովիւ՝ Տ Վրթանէս քահանայ Բաղալեանը, անդրադառնալով Մեծ Պահքի կարեւոր խորհրդին: Միասնական ժամերգութիւնն աւարտւեց Հայր Սուրբ Պահպանիչ աղօթքով Մեծ Պահքի ընթացքում միասնական ժամերգութիւնները շարունակւելու են ուրբաթ օրերին։ Յաջորդ միասնական աղօթքը տեղի կունենայ փետրւարի 27-ին, ժամը 19:00-ին, Կարբիի Սուրբ Աստւածածին եկեղեցում:
