Հայաստան - Արցախ
Փետրւարի 1-ը Հայաստանի Հանրապետութեան առաջին վարչապետ, Յովհաննէս քաջազնունու (1868-1938) ծննդեան օրն է
Յովհաննէս Քաջազնունին՝ Հայաստանի Առաջին Հանրապետութեան մասին
Ծայրայեղ թշւառութիւնն այն աստիճան խեղել է մեզ, որ անընդունակ ենք դառել գնահատելու արդէն կատարւած իրողութիւնը եւ հաւանական հեռանկարները: Հինգ տարի առաջ Հայաստանը լոկ աշխարհագրական տերմին էր, իսկ իբրեւ քաղաքական միաւոր հեռաւոր երազ էր, որի մասին ամենայանդուգն մտքերն անգամ չէին համարձակւում բարձր խօսել: Այսօր Հայաստանի Հանրապետութիւնը փաստ է արդէն: Թող որ այդ Հանրապետութիւնը փոքր ու աղքատ լինի, թող ժողովուրդը ենթարկւած լինի սովի ու համաճարակի, դա անցողիկ բան է: Փաստը արդէն կատարւել է, եւ չկայ աշխարհիս երեսին այն ուժը, որ կարողանայ բնաջինջ անել պատմութեան էջերից կատարւած փաստը:
