Անդրանիկ Թեւանեան. «Հայաստանի գլխաւոր օրակարգը. իշխանափոխութիւն, խաղաղութիւն, զարգացում»

Նիկոլ Փաշինեանի հեռացումը Հայաստանի միակ հնարաւորութիւնն է՝ ողջ մնալ այս փոթորկալից ժամանակներում: Այս մասին Facebook-ի իր էջում գրել է «Մայր Հայաստան» շարժման առաջնորդ Անդրանիկ Թեւանեանը:

Նա, մասնաւորապէս, նշել է.

«1. Վերականգնել բանակը,

2. Դիւանագիտական բոլոր ջանքերով վերականգնել մեր բնական դաշնակիցների հետ ռազմավարական յարաբերութիւնները, չդարձնել Հայաստանը Ռուսաստան-Արեւմուտք, Իրան-Արեւմուտք բախման թատերաբեմ,

3. Ադրբեջանի հետ վարել իրական խաղաղութեան բերող բանակցութիւններ՝ չհամարելով Արցախի թեման փակւած, միջազգային հարթակներում բարձրացնելով արցախահայութեան ոտնահարւած իրաւունքների հարցը, դիտարկելով արցախցիների վերադարձի հնարաւորութիւնները՝ ամուր անվտանգային երաշխիքների եւ որոշակի կարգավիճակի դիմաց,

4․ Հասնել իրական խաղաղութեան, որը հաստատ ադրբեջանական թելադրանքով իրականացւելիք սահմանադրութեան փոփոխութիւնով չի լինելու, ոչ էլ հակառուսական ու հակաիրանական քաղաքականութեան մանրադրամ դառնալու տարբերակով է լինելու,

5․ Վերը նշւած կէտերի կեանքի կոչումն անհնար է օրւայ իշխանութիւնների պարագայում։

Նիկոլ Փաշինեանի հեռացումը Հայաստանի միակ հնարաւորութիւնն է՝ ողջ մնալ այս փոթորկալից ժամանակներում։ Նա խօսում է խաղաղութիւնից, բայց բերել ու բերում է պատերազմ ու պարտութիւն։ Իրական «Խաղաղութեան» կուսակցութիւնը պէտք է փոխարինի նիկոլական «Պատերազմի ու պարտութեան» կուսակցութեանը։ Միայն այդ դէպքում Հայաստանը գոյութիւն կունենայ ու հետագայում կը զարգանայ։ Միւս տարբերակները քննարկման ենթակայ չեն։

Սա՛ է այսօրւայ գլխաւոր օրակարգը»։