Իշխան Սաղաթէլեան. «Օրւայ իշխանութիւնը ոչ մի կապ չունի ժողովրդավարութեան հետ»
Օրւայ իշխանութիւնը ոչ մի կապ չունի ժողովրդավարութեան հետ: Յայտարարել է ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցութեան պատգամաւոր Իշխան Սաղաթէլեանը:
«2 տարի առաջ մի շարք համայնքներում տեղի ունեցած ՏԻՄ ընտրութիւններից յետոյ արձանագրել ենք, որ օրւայ իշխանութիւնը որեւէ պարագայում պատրաստ չէ հաշւի նստել ժողովրդի կամարտայայտութեան հետ։
Նախորդած շրջանում Բերդ, Գորիս, Թալին, Վանաձոր, Ախուրեան, Անի եւ այլ համայնքների՝ ժողովրդի կողմից ընտրւած համայնքապետերի, իսկ այս օրերին Ալավերդի համայնքում ոչ իշխանական թեկնածուի նկատմամբ իրականացւող ապօրինութիւնները միայն վերահաստատում են հնչեցւած գնահատականները։
Նման գործողութիւններով օրւայ իշխանութիւնը միայն ապացուցում է, որ ինքը որեւէ կապ չունի ժողովրդավարութեան, քաղաքացու ընտրելու եւ ընտրւելու, ազատ ընտրութիւններ կազմակերպելու հետ։
Ինչպէս միւս բոլոր դէպքերում, այս դէպքում եւս, ժողովրդավարութիւն ասւածը նրանց համար ընդամէնը պոպուլիստական կարգախօս է։
Յուսով եմ` Հայաստանում «ժողովրդավարութեան առաջընթացով» ոգեւորւած ուժերն այս փաստերից շատ չեն տխրի եւ կը շարունակեն ջայլամի քաղաքականութիւնը»:
