Հիւսիսային Կորէաի արձակած հրթիռը կարող է հիպերձայնային լինել

«ԱԼԻՔ» – Յունւարի 6-ին ԱՄՆ պետքարտուղարի Սէուլ կատարած այցի ժամանակ Հիւսիսային Կորէաի արձակած բալիստիկ հրթիռն իր բնութագրերով յիշեցնում է հիպերձայնային հրթիռ։ Այս մասին յայտնում է Yonhap գործակալութիւնը՝ յղում անելով Կորէայի Հանրապետութեան զինւած ուժերի շտաբների պետերի կոմիտէի սպային։ Հաղորդել է News.am-ը:

Հարաւկորէական կողմի տւեալներով՝ տեղական ժամանակով կէսօրին մօտ (Մոսկւայի ժամանակով 06:00) Հիւսիսային Կորէան բալիստիկ հրթիռ է արձակել, որը, ենթադրաբար, միջին հեռահարութեան է, Փհենեանի տարածքից դէպի Ճապոնական ծով: Այն անցել է մօտ 1100 կմ։ «Չնայած թռիչքի հեռաւորութիւնը պարզւել է, որ աւելի կարճ է, քան միջին հեռահարութեան հրթիռների սովորական հեռաւորութիւնները՝ 3 հազարից մինչեւ 5.5 հազար կմ, ենթադրւում է, որ դա նման է Հիւսիսային Կորէայի միջին հեռահարութեան հրթիռներին, որոնց վրայ տեղադրւած է հիպերձայնային մարտագլխիկ։ Դրանք գործարկւել են 2024 թւականի յունւարին եւ ապրիլին»,- գրում է Yonhap-ը՝ վկայակոչելով կոմիտէի ներկայացուցչին։

Եթէ ​​ենթադրութիւնը հաստատւի, ապա ընթացիկ արձակման թռիչքի հեռաւորութիւնը ամենամեծը կը լինի Հիւսիսային Կորէաում նմանատիպ հրթիռների փորձարկման ժամանակ, նշում է գործակալութիւնը։