ԱԳ Նախարար. «Նեթանեահուն կորցրել է հոգեկան հաւասարակշռութիւնը»
Հոսէյն Ամիր Աբդօլլահեանը` Ֆէյսալ Միկդադի հետ զրոյցում. «Նեթանեահուն կորցրել է հոգեկան հաւասարակշռութիւնը»
«ԱԼԻՔ»- ԱԳ նախարար Հոսէյն Ամիր Աբդօլլահեանը Դամասկոսում Իրանի հիւպատոսութեան վրայ յարձակումից յետոյ, սիրիացի իր գործընկերոջ` Ֆէյսալ Միկդադի հետ զրոյցի ժամանակ յայտարարել է, որ Սիոնիստական ռեժիմի վարչապետ Բենիամին Նեթանեահուն կորցրել է հոգեկան հաւասարակշռութիւնը Գազայում կրած պարտութեան պատճառով։ Հաղորդում է «Թասնիմ»-ը։
ԱԳ նախարարութեան տարածած յայտարարութեան համաձայն` Սիրիայի ԱԳ նախարար Ֆէյսալ Միկադն իրանցի իր գործընկերոջ հետ հեռախօսազրոյցի ժամանակ, Իսրայէլի յարձակումը Դամասկոսում Իրանի հիւպատոսութեան շէնքի վրայ որակել է որպէս «Միջազգային կանոնակարգերի, մասնաւորապէս` դիւանագիտական յարաբերութիւնների մասին Վիեննայի 1961 թւականի կոնւենցիայի կոպտագոյն խախտում»:
Ամիր Աբդօլլահեան իր հերթին շնորհակալութիւն յայտնելով դէպքից յետոյ, Դամասկոսում Իրանի Իսլամական հանրապետութեան դեսպանութիւն Սիրիրայի ԱԳ նախարարի այցի կապակցութեամբ նշել. «Նեթանեահուն ամբողջութեամբ կորցրել է հոգեկան հաւասարակշռութիւնը Գազայում իսրայէլական ռեժիմի հերթական անյաջողութիւնների եւ սիոնիստների յաւակնոտ նպատակներին չհասնելու պատճառով»:
