Վարազդատ Լալայեանը՝ աշխարհի գաւաթակիր

Վարազդատ Լալայեանը նւաճեց աշխարհի գաւաթակրի տիտղոսը։ Թաիլանդի Պհուկետ քաղաքում անցկացւած ծանրամարտի աշխարհի գաւաթի խաղարկութեան վերջին մրցումային օրը մրցահարթակ դուրս եկան տղմարդկանց +109 կգ քաշային կարգի ներկայացուցիչները: Գրում է News.am-ը:

Աշխարհի կրկնակի փոխչեմպիոն, Եւրոպայի չեմպիոն եւ կրկնակի փոխչեմպիոն Վարազդատ Լալայեանը երկամարտում հաւաքեց 463 կգ (210+253): Նա նաեւ փոքր ոսկէ մեդալներ նւաճեց երկու վարժութիւններում։

Կրկնակի օլիմպիական փոխչեմպիոն, աշխարհի եւ Եվրոպայի կրկնակի չեմպիոն Սիմոն Մարտիրոսեանը երկամարտի 440 կգ (195+245) արդիւնքով գրաւեց չորրորդ տեղը։

Երկրորդ տեղը գրաւած իրանցի Ալի Դաւուդին Վարազդատ Լալայեանից երկամարտում յետ մնաց 9 կգ: Նրա արդիւնքն է 454 կգ (202+252):