ԴԱՏԱՊԱՐՏԱԳԻՐ

Ղուրանի եւ այլ սուրբ գրքերի դէմ վիրաւորական արարքների կրկ­նու­թիւնը անարգալից եւ ակնյայտ սադրիչ գործողութիւն է, եւ այս անմարդկային ա­րարքը Շւեդիայում, չնայած համաշխարհային որոշ յանցագործների աջակցութեանը, հա­ւանութեան չի արժանանում որեւէ ազատատենչ մարդու եւ համայն խաղաղու­թեանն ու անվտանգութեանը աջակցող հասարակութիւններից ու երկրներից: Ան­շուշտ, որ այս հակաիսլամական արարքի եւ վարքագծի կրկնութիւնը իրականացւել է սիոնիս­տական վարչակարգի լրատւամիջոցների գերիշխանութեան ներքոյ եւ համաշխար­հային սիոնիզմի աջակցութեան ստւերում, ինչը ոչ միայն կը խաթարի այս աստւա­ծային գրքի հանդէպ հաւատը, այլ կառաջացնի համերաշխութիւն եւ միաս­նութիւն երկնային կրօնների հետեւորդների միջեւ եւ բոլոր կրօնները դատապարտում են այս անպարկեշտ արարքը:

Յոյս ունենք, որ աշխարհի ազատատենչ ազգերը տեղեակ լինեն թշնամիների մտադրութիւններից, որոնց նպատակն է շեղել հանրութեան միտքը Գազայում տեղի ունեցող յանցագործութիւններից եւ վերջին ուսանողական շարժումից Արեւմտեան երկրներում եւ յատկապէս Ամերիկայի Միացեալ Նահանգներում: Բոլոր կրօնները այս անարգալից արարքը խստօրէն դատապարտում են, ու պահանջում, որ աստւածային գրքերի դէմ վիրաւորանք արտայայտելու յանդգնութիւնը առ յաւերժ թաղւի:

Ի վերջոյ, այս կապակցութեամբ անձնապէս Մեր եւ Ատրպատականի հայոց թեմի Թեմական խորհրդի անունից դատապարտում ենք այս անարգալից արարքը եւ խնդրում բոլոր միջազգային կազմակերպութիւններին վճռականօրէն վերաբերւել նման գործողութիւններին, ու կանխել դրանց կրկնութիւնը:

Աղօթարար՝

ԳՐԻԳՈՐ ԱՐՔ. ՉԻՖԹՃԵԱՆ

Առաջնորդ Ատրպատականի հայոց թեմի եւ Թեմական խորհուրդ