«ԱԼԻՔ» – Ժամանակով է պայմանաւորւած մարդուս հանգստութիւն բերող յիշողութիւնը: Ստացւում է այնպէս, որ կորցրածի հաշւին վաստակած կենսագրութիւնով ենք հարստացւում նաեւ: Միաժամանակ սովորական են դառնում կորուստների ու պատմութեան էջերը թերթելու երեւոյթները:
Սակայն ոչ այնքան ժամանակի, ինչքան համայնքային կեանքի ու անցեալի մասին պատմելու համար է թերթիս նորաբաց էջը՝ «Յիշութիւնների մառան»-ը: Էջը պարբերաբար անդրադառնալու է մայրաքաղաքի հայաբնակ քաղաքամասերին, դրանց պատմութեանը, անցեալում տեղի ունեցած սովորական թւացող դէպքերին, որոնցով կամրջելու ենք ժամանակի տարածութիւնը ներկայացնելով մոռացութեան տրւած համ ու հոտը:
Իսկ այսօրւայ համարով լոյս տեսած «էջի» առաջին պատմութիւնը Սասուն քաղաքամասի անձնագրերից մէկի՝ «Սասուն տաքսի» ծառայութեան ոչնչացւող հետքերի մասին է:
