«ԱԼԻՔ» – Հինգշաբթի՝ յուլիսի 25-ի «ԱԼԻՔ»-ի յարկի տակ հիւրընկալւեցին «Հայկական նախագիծ» գիտա-կրթական հասարակական կազմակերպութեան ծրագրերի շրջանակում Հայաստանից Իրան ժամանած Հայկական համալսարանի աւելի քան 80 աշակերտներ եւ քաղաքագէտ, «Ռուս-հայկական սլովանական» համալսարանի դասախօս Էդգար Էլբակեանը, Պատմաբան, Երեւանի Պետական Համալսարանի դասախօս Սերգէյ Մելքոնեանը եւ քաղաքագէտ, տնտեսագէտ Հրանտ Միքայէլեանը:
«ԱԼԻՔ»-ի «Հրայր Մարուխեան» դահլիճում, որտեղ ներկայ էին «ԱԼԻՔ» հաստատութեան ներկայացուցիչ Սեւան Դանիէլեանը, «ԱԼԻՔ» օրաթերթի գլխաւոր խմբագիր Արամ Շահնազարեանը եւ օրաթերթի ներքին տնօրէն Արգիշտի Թովմասեանը, հիւրերին մանրամասն բացատրութիւններ փոխանցւեց «ԱԼԻՔ»-ի աշխատանքների, 93-ամեայ անցած ուղու եւ օրաթերթի առօրեայի մասին: Խօսւեց Հայաստանի ներկայի ներքաղաքական պայմանների, եւ պայքարի անհրաժեշտութեան մասին:
Վերջում հիւրերը հարցումներ ուղղեցին կատարւող աշխատանքների եւ համայնքային հարցերի վերաբերեալ:
