…Իրանի իսլամական խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանի գրասենեակից տեղեկանում ենք, որ Իրանի նորընտիր նախագահ դոկտ. Մասուդ Փեզեշքիանի գրասենեակի կողմից շնորհակալագիր է ուղարկւել պատգամաւոր Արա Շահվերդեանին, ով պաշտօնական գրութեամբ շնորհաւորել էր նորընտիր նախագահի ընտրութիւնը:
…Իրանի 14-րդ նախագահ դոկտ. Մասուդ Փեզեշքիանի երդմնակալութեան արարողութեանը ներկայ գտնւելու նպատակով Թեհրան ժամանած Սպահանի հայոց թեմի առաջնորդ Տ. Սիփան արք. Քէչէչեանը հիւրընկալւել էր Իրանի Իսլամական խորհրդարանում Թեհրնաի եւ հիւսիսային իրանահայութեան պատգամաւոր Արա Շահվերդեանի գրասենեակում: Հանդիպման ընթացքում կողմերը զրուցել են համայնքային հարցերի մասին:
…Պատգամաւոր Արա Շահվերդեանը ներկայ գտնւելով Թեհրանի միջազգային ցուցահանդէսների մնայուն վայրում կայացած Իրանի արտահանւող կահոյքների միջազգային 33-րդ միջազգային ցուցահանդէսին այցելել է, «LAO» ընկերութեան տաղաւարը, տնօրինութեամբ Գեւիկ եւ Գագիկ Մարութիների: Այցի ընթացքում պատգամաւորը իրազեկ է դարձել ընկերութեան աշխատանքներին եւ յաջողութիւն մաղթել տնօրինութեանը, իրենց աշխատանքներում:
…Ատրպատականի հայոց թեմ այցելած պատգամաւոր Արա Շահվերդեանը հանդիպում է ունեցել Ատրպատականի հայոց թեմի առաջնորդ Տ. Գրիգոր արք. Չիֆթճեանի հետ: Հանդիպմանը կողմերը խօսել են համայնքային հարցերի ու խնդիրների վերաբերեալ:
…Պատգամաւոր Արա Շահվերդեանը իր գրասենեակում ընդունել է յաջողակ ուսանող եւ Իրանի կոնկուրսում, բժշկական գենետիկայի մագիստրոսի աստիճանում համայն Իրանում 9-րդ տեղը զբաղեցնող Արգամ Մարկոսեանին: Հանդիպման ընթացքում պատգամաւորը յաջողութիւն է մաղթել Արգամ Մարկոսեանին եւ գնահատանքով անդրադարձել, նրա հետեւողական ջանքերի կապակցութեամբ:
…Պատգամաւոր Արա Շահվերդեանը, դոկտ. Հադադ Ադելի հրաւէրով ներկայ է գտնւել «Սաադի» հիմնադրամի միջոցով կազմակերպւող Իրանաշրջութեան հերթական շրջայցի փակման հանդիսութեանը: Այս տարի իրանաշրջութեան հերթական միջոցառմանը իրենց մասնակցութիւնն էին բերել Հայաստանից պարսկերէն թեքումով դպրոցներում դասաւանդող 24 ուսուցիչներ: Միջոցառմանը պատգամաւորը իր ելոյթում անդրադարձել է հայ-իրանական պատմական անցեալին եւ կարեւորել երկու երկրների սերտ յարաբերութիւնները:
