ՄԱԿ-ում Իրանական ներկայացուցչութիւնն արձագանգել է
ԱՄՆ-ում Shahed անօդաչու թռչող սարքի նպատակային ցուցադրմանը
«ԱԼԻՔ» – Իրանի իմիջը արատաւորելու նպատակով ԱՄՆ-ը Նիւ Եօրքում ցուցադրութեան է հանել իրանական անօդաչու թռչող սարք, ենթատեքստ ունենալով հակաամերիկեան կամ Արեւմուտքին հակադրւող ուժերին աջակցելու վարկած: Ամերիկացիների նպատակաուղղւած այս քայլին արձագանգելով, Նիւ Եօրքում ՄԱԿ-ի Իրանի ներկայացուցիչն ընդգծել է. «Շահեդ անօդաչու թռչող սարքի վրայ չկայ վաճառքի որեւէ արգելք»։
Tasnim-ի համաձայն ԱՄՆ-ում Իրանի իսլ. Հանրապետութեան ներկայացուցչութիւնն, ի պատասխան ԱՄՆ CPAC-ի նիստում (Հանրապետական կուսակցութեան համագումարը) իրանական անօդաչու թռչող սարքի ցուցադրմանը, յայտարարել է. «Այն ունի գերազանց յայտնաբերման, հսկողութեան եւ թիրախաւորելու յատկութիւն, ինչպէս նաեւ անհամեմատ մատչելի գին»:
Իրանի ներկայացուցիչը պարզաբանել է, որ դրա վաճառքի համար չկայ իրաւական արգելք: «Իւրաքանչիւր երկիր, որը խոստանում է չօգտագործել այն այլ երկիր ներխուժելու համար, կարող է դիմել այն գնելու համար»,- ասւած է յայտարարութեան մէջ:
