«ԱԼԻՔ» – Իրանի աշակերտական ռոբոտիկ ազգային հաւաքականը, Պեկինի 2024 թւականի ռոբոտիկի համաշխարհային մրցութիւններում կրկին անգամ յաջողութիւններ արձանագրելով պարծանք է բերել Իրանին:
Հաւաքականը կազմւած է 17 տարեկանը չլրացրած 48 ինտելեկտ աշակերտներից, որոնք զանազան բաժիններում, իշարս տեխնիկական լիգայում եւ հնարամտութեան լիգայում ուշագրաւ յաջողութիւններ արձանագրեցին:
Տեխնիկական լիգայի բաժնում Իրանի հաւաքականը յաջողեց գրաւել երկրորդ տեղը: Չինաստանը շահեց առաջնութիւնը, իսկ Ռումինիան հանդիսացաւ երրորդ:
Ուրախութեամբ նշենք որ Տեխնիկական լիգայի բաժնում Իրանի հաւաքականին անդամակցում է երիտասարդ Արէգ Շահվերդեանը:
Նաեւ Հնարամտութեան լիգայում երեք հոգանոց երկու խմբեր, 12-ից ցած տարիքային սահմաններում յաջողեցին շահել արծաթեայ եւ բրոնզէ մեդալներ: 12-ից 17 տարեկանների բաժնում իրանական մէկ թիմ եւս չորրորդ հորիզոնականը շահեց: Այս յաջողութիւնները ապացուցում են իրանցի աշակերտների բարձր կարողականութիւնները:
