Ճաշկերոյթ՝ ՀՕՄ-ի Թաւրիզի կենտրոնի նախաձեռնութեամբ
Ատրպատական, ազգային առաջնորդարան, Թաւրիզ – Ուրբաթ՝ նոյեմբերի 8-ին, հովանաւորութեամբ Ատրպատականի հայոց թեմի առաջնորդ՝ Տ. Գրիգոր արք. Չիֆթճեանի եւ Թեմական խորհրդի, ու նախաձեռնութեամբ ՀՕՄ-ի Թաւրիզի Կենտրոնի վարչութեան, նոյն միութեան հաւաքատեղիում կազմակերպւել էր միութեան անդամուհիների եւ նրանց ընտանիքների անդամերի համար նախատեսւած ճաշկերոյթը:
Ճոխ սեղաների շուրջ համախմբւած անդամուհիներին ու նրանց ընտանեկան պարագաներին ողջոյնի ու բարի գալստեան խօսք ուղղեց միութեան նախագահուհի՝ Անահիտ Մարգարեանը, շնորհակալութիւն յայտնելով նրանց, որ ընդառաջել են վարչութեան հրաւէրին ու մասնակից դարձել ճաշկերոյթին:
Որպէս հայկական աւանդական սովորութիւն, սոյն ճաշկերոյթն էլ ունեցաւ իր սեղանապետը: Կարէն Սարգիսեանը, ողջունելով բոլորին եւ նրանց մաղթելով բարի վայելում, կարեւոր նկատեց միութիւնների աշխատանքների կողքին լինելն ու համայնքային հաւաքական կեանքը աշխոյժ պահելը:
Նա իր խօսքերում յիշատակեց Ատրպատականի հայոց թեմի առաջնորդ Սրբազան Հօրը եւ ազգային իշխանութեանց՝ Պատգմաւորական ժողովին ու Թեմական խորհրդին, որոնք միշտ հանդիսանում են ՀՕՄ-ի Թաւրիզի Կենտրոնի աշխատանքների հովանաւորը:
Կարէն Սարգսեանը մէկ առ մէկ յիշատակելով թաւրիզահայ համայնքում աշխատող միութիւններն ու կառոյցները, որոնց ներկայացուցիչներն էլ տեղում ներկայ էին, նրանց վարչութիւններին ու անդամներին մաղթեց բեղուն գործունէութիւն ի նպաստ համայնքի աշխոյժ եւ կենսունակ գոյութեանը:
Նա մատնանշելով, որ հայկական համայնքերում աշխատող կառոյցները միշտ հոգատարութեան առարկայ են դառնում, յիշեց նաեւ ՀՕՄ-ի Թաւրիզի կրթարան՝ «Ծերունի Գասպարեան» մանկապարտէզ-նախակրթարանի հովանաւոր՝ ազգային բարերար՝ Էլպիս Գասպարեանին, որ իր օժանդակութիւնը չի խնայում ՀՕՄ-ի կրթարանին եւ ՀՕՄ-ի Թաւրիզի Կենտրոնի արւեստի ոլորտի նւիրեալ Կարինէ Մանուչերեանին, որպէս ՀՕՄ-ի բարեկամ ու մասնաճիւղի «Տաթեւ» պարային համոյթի գեղարւեստական ղեկավար ու բեմադրիչ:
Օրւայ միջցառման ընթացքում սեղանապետի հրաւէրով մեներգեցին Քարմէն Աբրահամեանն ու Ռեբեկա Սարգսեանը, իսկ ասմուքեց Նայիրի Դիլաեանը:
Ճաշկերոյթի աւարտին կատարւեց վիճակախաղ, որի բախտաւոր շահողի համարն ընտրեց ՀՕՄ-ի «Տաթեւ» պարային համոյթի ամենակրտսեր անդամ՝ Մանանա Բադալեանը, իսկ գեղեցիկ նւէրը շահեց Արինէ Բադալեանը:
Մէկ այլ առիթով միութեան յարկի տակ ի մի գալու մաղթանքով ներկաները թողին ՀՕՄ-ի հաւաքատեղին:
