ՆՈՌՈՒԶԵԱՆ ՇՆՈՐՀԱՒՈՐԱՆՔՆԵՐ

Անհուն ուրախութեամբ շնորհաւորում եմ իրանցի մեր հայրենակիցներին Նոր տարւայ-Նոռուզի բարեբաստիկ տօնի առիթով եւ մաղթում, որ առաջիկայ նոր տարին Իրանի մեր ժողովրդի եւ երկրի համար լինի խաղաղութեան, սիրոյ, եղբայրութեան եւ յաջողութեան տարի:

Նորն ու նորոգութիւնը մարդկային կեանքից անբաժան երեւոյթներ են, որոնք մարդկային կեանքն առաւել եւս կիմաստաւորեն: Այսօրւայ աշխարհը դժբախտաբար տագնապների եւ նոր մարտահրաւէրների առաջ է կանգնած: Մենք փառք ենք տալիս Աստծուն, որ մեր հայրենիք Իրանն իր կարողականութեամբ ոչ միայն դիմագրաււում է այդ բոլոր դժւարութիւնները այլեւ զարգացման եւ բարգաւաճման շարունակական ընթացքի մէջ է:

Այս առիթով ի սրտէ շնորհաւորում ենք Իրանի Իսլամական Հանրապետութեան Հոգեւոր առաջնորդ՝ Սէյէդ Ալի Խամենէյին, իրեն մաղթելով առաւել առողջութիւն եւ իմաստութիւն, որ կարողանայ շարունակել իր դժւարին առաքելութիւնը եւ Իրանի ժողովրդին պարգեւի խաղաղ եւ բարգաւաճ կեանք: Շնորհաւորում ենք նաեւ երկրի վսեմաշուք նախագահ՝ դոկտ. Փեզեշքիանին, Իրանի Իսլամական խորհրդարանի նախագահ՝ դոկտ. Ղալիբաֆին եւ Դատական իշխանութեան նախագահ՝ հոջթ. Էժէյին, բոլորին մաղթելով առողջութիւն, երկար կեանք եւ առաւել բարեբեր գործունէութիւն:

Նոյնքան անկեղծ զգացումներով շնորհաւորում ենք Իրանի ժողովրդին՝ եղբայրներին եւ քոյրերին եւ բոլորին մաղթում ենք լաւագոյններից լաւագոյնը ու յայտնում մեր օրհնութիւնները:

Թող Աստւած անսասան պահէ Իրանը իր ժողովրդով:

Շնորհաւոր Նոռուզ.

ՍԵՊՈՒՀ ԱՐՔ. ՍԱՐԳՍԵԱՆ

ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ