Ատրպատականի հայոց թեմի Պատգամաւորական ժողովի հերթական նիստը՝ Թաւրիզում

Ատրպատական, ազգային առաջնորդարան, Թաւրիզ – Ուրբաթ, նոյեմբերի 29-ի առա­ւօտեան ժամը 10:30-ին, ազգային առաջ­նորդարանի «Էմիլ Յակոբ­եան» դահ­լի­ճում «Տէրունական աղօթք»-ով բացումը կատարւեց Ատրպատականի հայոց թե­մի Պատգամաւորական ժողովի նիստին, նա­­խա­գա­հու­­թ­եամբ Ատրպատականի հայոց թե­մի առաջնորդ՝ Տ. Գրիգոր արք. Չիֆթճեանի:

Գումարւած ժողովին մասնակցեցին Կրօնական եւ Թեմական խոր­հուրդները, ինչպէս նաեւ սոյն ժողո­վին առնչւող մարմինների պատասխա­նա­տու ան­դամները:

«Տէրունական աղօթք»-ը ներկայ ժո­ղովականները միասնաբար կատա­րե­ցին: Պատգամա­ւորա­կան ժողովի Ա ատենա­պետ Ար­մինէ Վահրամեանը ողջունեց ներ­­­կաներին, հակիրճ անդրադառնալով օր­ւայ օրա­կարգերին եւ դրանք հերթաբար քննարկման ենթարկելու մեթոդ­նե­րին:

Ներկայ ժողովականներին իր հայ­րական խօսքը ուղ­ղեց առաջնորդ Սրբազանը: Գրիգոր Արքեպիսկոպոսը առաջին հերթին Մեծի Տանն Կիլիկիոյ Վեհափառ Հայրա­պետ  Ն.Ս.Օ.Տ.Տ. Արամ Ա կաթո­ղի­կո­սի Հայրապե­տա­կան ողջոյնը հա­ղոր­դեց ներ­­կաներին:

Սրբա­զա­նը անդրադարձաւ Թե­մա­կան խոր­հրդի գոր­ծունէութեանը, բարձր գնահատելով նւիրումի եւ ծառայութեան ո­գին, որը ցուցաբերում է իւրաքանչիւր անդամը սոյն Գործադիր խորհրդի: Նա իր բար­ձր գնահատանքը եւ երախ­տա­գի­տու­թիւ­նը յայտնեց ԻԻՀ-ն, որը վերջին ա­միսներին, յատկապէս գործնական քայ­լերով իր գործօն մասնակցութիւնն էր բե­րել թեմի կազմակերպչական ջանքերին:

Դիւանը իր որոշած օրակարգի հիմամբ շարունակեց ժողովը: Թեմական խոր­­հրդի նիւթաբարոյական  զեկոյցը ընթերցւեց, ամփոփելու այն աշխատանքը, որը իրա­կանացրել էր Խորհուրդը, անցած ինը ա­միսների ընթացքում: Ընթերցումից առաջ խօսք առաւ Թեմական խորհրդի ատենապետ Գագիկ Ջորջեանը, Սրբազան Հօրից եւ Պատգամաւորական ժողովի դիւանից շնորհակա­լութիւն յայտնելով այն հասկացո­ղու­թեան համար, որը ցուցաբերել էին Թեմական խորհրդին, նոյնիսկ ամենադժւարին պահերին իրենց ան­­միջական օժանդակութիւնը ներկայաց­նե­լով: Գագիկ Ջորջեանը ամփոփ զեկուցեց տեղեկագրի մասին, որոշ լուսաբանութ­իւններ տալով ընթացքի մէջ եղող հարցե­րի գծով:

Թեմական խորհրդի բարոյական եւ նիւթական զեկոյցները յաջորդեցին միմ­եանց, ներ­կա­յացւեցին պետական եւ պաշտօնական հան­դի­պումները, հրատարա­կու­թիւն­ները եւ անցեալ թեմական խոր­հրդի գոր­ծունէութ­իւնից ժառանգւած եւ դեռեւս ան­լոյծ մնա­ցած կալ­ւա­ծա­յին խն­դիր­ների դա­տական հետա­պնդում­ները, որոնց շուրջ բարձրաց­ւած հարցերին բացատրութիւն տւեցին Թեմական խոր­հրդի անդամները, գլխաւորութեամբ կալւածա­յին խնդիրների հետապնդող՝ Թեմական խորհրդի փոխա­տենապետ Ալէն Սայեադ­եանի:

Դիւանը ժողովականներին քննա­կան հարցեր ներկայացնելու յատուկ ա­ռիթ ընծայեց Թե­մական խորհրդի ներկայացրած իննամսեայ զեկոյցի իւրաքանչիւր գլխի աւարտին, նոյն առիթով հրաւիրելով Թեմական խորհրդին,  բացատրու­թիւն տալու բոլոր հարցերին:

Ազգային առաջնորդարանի կալւած­ներին, եւ յատ­կապէս հեռաւոր գաւառ­նե­րում՝ Սալմաս­տում եւ Ղարադաղում գտնւող գիւղերի հո­ղային իրավիճակի մա­սին լայն բացատրութիւններ տրւեց Թեմական խոր­հրդի կողմից: Յատկապէս նշւեցին Ղա­րա­դաղի գիւղերից ոմանք, որտեղ առաջ­նորդ Սրբազանի այցից եւ նոյն գիւղերի մասին մանրազննին  նիւթերի  հրատարակումից  յետոյ,  Թեմական  խորհուրդը ձեռ­նարկել էր հողային սեփա­կանութ­իւննե­րի հետազօտական այս նոր աշխատանքին:

Դիւանը, իր հերթին, գնահատական մօտեցումով քննարկման ենթարկեց անցած ինը ամիսների ընթացքում իրակա­նացւած աշխատանքները, յատկապէս յի­շելով անլոյծ մնացած հարցերը յարատեւ հետեւողութեան ենթարկելու կարիքը: Դի­ւանը նաեւ անդրադարձաւ, որ Թեմական խորհուրդը  յաճախակի  կերպով տեղեակ էր պա­հել իրեն կալւածային մեծ հարցե­րի մասին, յատկապէս պատասխանատւութեան ծանրութիւնը իր ուսերից թեթեւացնելու համար, նրա մեծ օժանդակութեամբ:

Ժողովի Բ ատենապետ Սաքօ Մեջ­լումեանը լայն միջոցներ եւ կերպեր հա­ղոր­դեց կալւածային հետապնդումների օրակագում, յատկապէս Ատրպատականի արեւմտեան բաժնում գտնւող հողամա­սերի համար, պետական կառոյցների գծով իր օժանդակութիւնը բերելու պատրաստակամութեամբ:

Նիւթական զեկոյցը իր մանրամասն սիւնակներով, տպագիր յանձնւեց իւրա­քանչիւր ժողո­վականի, բացայայտ քն­նար­կման առիթ ընծայելով: Ազգային ա­ռաջ­նորդարանի հաշ­ւապահական գրա­սեն­եակի միջոցով պատ­­րաստւած հաշիւ­ների բացատրական ներ­կայացումը կա­տարւեց Թեմականի ատե­նապետ Գագիկ Ջորջեանի միջոցով, որը նաեւ լուսաբա­նական պատասխան տւեց հարցերին:

Վերջին օրակարգի ընթացքում խօսք առնելով, թեմի վաղ ժամանակներից ս­պասւած փոխադարձ քաղցրութ­եան մթնոլորտը վեր հանեց, Թեմական խորհրդի ան­դամ՝ Հենրիկ Աբրահամեանը: Նա յատ­կապէս յիշեց Սրբազան Հօր ջանքերով, թեմի բոլոր միութիւնների եւ կազմակերպութիւնների միջեւ սիրալիր կապն ու համագործակցութեան թարմ շունչը:

Նոյն օրակարգում բացառիկ ելոյ­թով հանդէս եկաւ Ուրմիայի շրջանի պատգա­մաւոր, եւ երկար տարիների փորձառու ժողովական Սերժիկ Մովսիսեանը, որը բարձր գնահատականով արտայայտւեց առաջ­նորդ Սրբազանի Հայրական մօտեցումից սկսեալ, մինչեւ Թեմական խորհրդի նւիր­եալ աշխատանքին բացայայտ ակնար­կու­թիւնը կատարելով: 

Սրբազան Հայրը եզրափակիչ խօսքով իր բարձր գնահատանքը յայտնեց բո­լոր ժողովականներին, օրւայ մասին իր տպաւորութիւնը վերնագրելով իբրեւ «փո­­խա­դարձ վստահութիւն»: Նա յատկապէս ա­սաց. «Միմեանց անձի եւ աշխատան­քի վստահելութեան նկատմամբ բացայայտ վկայութիւն էր այսօրւայ նիստը, որը մեր ազգային կեանքի անփող հարստութիւն­ներից մէկն է»: Սրբազանը իր հայրական սէրը եւ գուրգուրանքը արտայայտեց իւ­րաքանչիւր ժողովականի, եւ ապա  «Պահ­պանիչ» աղօթքով եզրա­փակ­եց ժողովը, երեկոյեան ժամը 4-ին:

Թեմական խորհրդի հրաւէրով սիրոյ սեղան բացւեց Ազգային առաջնորդարա­նի սեղանատանը, որի ընթացքում սեղա­նապետի քաղցր խօսքերով կենացներ ա­ռա­ջարկեց Սերժիկ Մովսիսեանը: