Իրանի Իսլամական խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանի գրասենեակից տեղեկանում ենք, որ պատգամաւորի հրաւէրով խորհրդակցական հանդիպում է կազմակերպւել Իսլամական խորհրդարանում իրանահայութեան նախկին պատգամաւորներ Սպահանի եւ հարաւային իրանահայութեան պատգամաւոր Ռոբերտ Բեգլարեանի եւ Թեհրանի եւ հիւսիսային իրանահայութեան պատգամաւոր ճրտ.Գէորգ Վարդանի հետ:
Կազմակերպւած հանդիպման ընթացքում մտքերի փոխանակում է կատարւել Իրանի դէմ Իսրայէլի 12-օրեայ պարտադրել պատերազմից յետոյ համայնքային հարցերի եւ ազգային իշխանութեան կողմից պատերազմի օրերին կեանքի կոչւած շտաբի աշխատանքների եւ յետագայ անելիքների մասին: Քննարկւել է նաեւ Իրան-Հայաստան յարաբերութիւնները եւ տարածաշրջանային հարցերը:
