Ոստիկանութեան եւ Իրաւապահ ուժերի շաբաթւայ առիթով, չորեքշաբթի՝ 8 հոկտեմբեր 2025 թւականին, Իրանում կրօնական փոքրամասնութիւնների ներկայացուցիչները շնորհաւորական այցելութեամբ հանդիպում ունեցան հրամանատար գեներալ Աբբաս Ալի Մոհամադեանի հետ:
Հանդիպմանը ներկայ էին Իրանի Իսլամական խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը, Թեմական խորհրդի ատենապետ Վարուժ Յովհաննիսեանը, Խորհրդի նիւթականի պատասխանատու Արին Ալեքսանդրեանը, Ազգային առաջնորդարանի դիւանապետ Զօրիկ Կարապետեանը, եւ Տ. Սահակ քհնյ. Խոսրովեանը:
Հանդիպման ընթացքում խորհրդարանի պատգամաւոր՝ դոկտ. Արա Շահվերդեանը կառոյցիս անունից շնորհաւորանքի խօսքեր ուղղելով յայտնեց, որ Ոստիկանութեան շաբաթը պատեհ եւ արժէքաւոր առիթ է նշելու ոստիկանութեան աշխատակիցների քրտնաջան աշխատանքն ու ջանքերը, ովքեր օր ու գիշեր աշխատում են հասարակութեան անվտանգութիւնն ու խաղաղութիւնը պահպանելու համար։ Խորհրդարանի պատգամաւորը երախտագիտութեամբ անդրադարձաւ նաեւ 12-օրեայ պարտադրեալ պատերազմի ընթացքին, երկրի անվտանգութեան հաստատման եւ պաշտպանութեան համար իրենց անձը նւիրաբերած ոստիկանութեան աշխատակցներին:
Հանդիպման աւարտին Գեներալ Մոհամմադեանը շնորհակալութիւնը յայտնեց այցելութեան առիթով եւ նշեց, որ իրենց աշխատանքը նմանում է արեւի լոյսին, որը՝ առանց խտրականութեան, ճառագայթում է բոլոր ժողովրդի համար, ովքեր ապրում են Իրանում:
Ազգային առաջնորդարանի Հանրային կապ
