«ԱԼԻՔ» – Երէկ՝ հոկտեմբերի 21-ին, Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանի նախաձեռնութեամբ, Մշակոյթի եւ մամուլի հրացերով Մշակոյթի եւ իսլամական լուսաւորութեան նախարարի տեղակալ Մոհամմադռեզա Նորուզփուրն իր աշխատակիցների՝ Մոհամմադ Սորուշի եւ Ասղար Խալիլիի ընկերակցութեամբ այցելեց «ԱԼԻՔ» հաստատութիւն:
Այցի ընթացքում, հիրերը եղան «ԱԼԻՔ»-ի տպարանում եւ խմբագրութիւնում, ծանօթացան հաստատութեան հնարաւորութիւնների եւ գործունէութեան հետ, որից յետոյ գլխաւոր խմբագրի գրասենեակում տեղի ունեցաց զրոյցի ընթացքում նախ գլխաւոր խմբագիր Արամ Շահնազարեանը ներկայացնելով «ԱԼԻՔ»-ի պատմութիւնը եւ անցած ուղին՝ մատնանշեց այն խնդիրները եւ դժւարութիւնները, որոնց դէմ-յանդիման է կանգանծ «ԱԼԻՔ»-ն այսօր: Ապա ՀՈՒՍԿ հաստատութեան վարչութեան նախագահ Իսակ Իւնանէսեանն իր հերթին ներկայացնելով «ՊԱՅՄԱՆ» պարբերակնը, նոյնպէս նշեց պարբերականի կանոնաւոր հրատարակման գործում առկայ խնդիրներն ու խոչընդոտները:
Փոխնախարար Նորուզփուրն իր հերթին բարձր գնահատելով «ԱԼԻՔ»-ի դերը եւ նշանակութիւնը իրանական մամուլի ընտանիքում՝ կարեւորեց օրաթերթի հրապարակման շարունակութեան անհրաժեշտութիւնը եւ խոստացաւ հնարաւորութիւնների սահմանում նպաստել թէ՛ «ԱԼԻՔ»-ի, թէ՛ «ՊԱՅՄԱՆ»-ի առկայ խնդիրների եւ դժւարութիւնների կարագւորմանը:
Նշենք, որ հանդիպմանը ներկայ էին «ԱԼԻՔ» հաստատութեան ներկայացուցիչ Գարօ Յովհաննիսեանը, հաստատութեան ղեկավար մարմնի անդամ Արբի Մարթինը, «ԱԼԻՔ»-ի վարչութեան անդամ Րաֆֆի Փիրումեանը եւ ներքին վարիչ Արգիշտի Թովմասեանը:
