«ԱԼԻՔ» – Ուրբաթ՝ հոկտեմբեի 24-ին, Հ. Մ. Մ. «Րաֆֆի» համալիրի «Մասիս» սրահում տեղի ոնեցաւ Մշակոյթի օրւան նւիրւած գեղարւեստական միջոցառում:
Հանդիսատեսի շարքերում ներկայ էին նաեւ Թ. Հ. Թ. Պատգամաւորական ժողովի եւ Թեմական խորհրդի ներկայցուցիչները, քահանայ հայրեր, ազգային միութիւնների ներկայացուցչներ եւ ուսուցիչներ:
Միջոցառմանը, որը տեղի էր ունենում «Րաֆֆի» համալիրի Մաշկութային բաժանմունքի նախաձեռնութեամբ, ելոյթներով հանդէս եկան «Րաֆֆի» պարախմումբը ղեկավարութեամբ՝ Կարինէ Պետրոսեանի եւ «Մեղեդի» երգչախումբը՝ ղեկավարութեամբ Համլեթ Խաչատրեանի:
Գեղարւեստական բաժնի շարունակութեան մէջ դաշնամուրային եւ ֆլէյտայի կատարումներով հանդէս եկան Ռենէ Խանին, Փիւնիկ Ղահրամանեանը եւ Նայիրա Խաչատրեանը:
Ծրագրի ընթացքում ասմունքային կատարմամբ հանդէս եկան Ադելայդ Մահմուդին եւ Լէօ Մուսախանեանը, ինչպէս նաեւ մեներգչուհի Բեթինա Յովսէփեանը «Հորիզոն» նւագախմբի ընկերակցութեամբ կատարեց ժամանակակից երաժշտական համարներ:
Ապա ցուցադրւեց «Րաֆֆի»-ի երիտասարդական խմբի պատրաստած տեսանիւթը՝ «Մշակոյթ եւ լեզու» թեմայով: Ծրագրի ընթացքում Հայկական աւանդական խոհանոցի մասին տեղեկութիւններ էր փոխանցւում հանդիսատեսին:
Վերջում Տ. Արիստակէս քհնյ. Շահմիրեանի միջոցով փոխանցւեց Սրբազան Հօր պատգամը: Սրբազան Հայրը, մասնաւորապէս, բարձր էր գնահատել իրանահայ համայնքի գիտակից կեցւածքը կապւած հայ մշակոյթը պահպանելու եւ այն սերունդներին փոխանցելու առաքելութեան հարցում:
Իրանի Իսլ. խորհրդարանում Թեհրանի եւ հիւսիսային իրանահայութեան պատգմաւոր Արա Շահվերդեանն իր եզրափակիչ ելոյթով շնորհակալութիւն յայտնեց հանդիսատեսին, յատկապէս, նրա համար, որ իր ներկայութեամբ առիթ է ստեղծում՝ մշակութային ձեռնարկների իրականացմանը, որին պատրաստւելիս՝ երկար, նոյնիսկ ամիստներ աշխատանք են կատարում խմբերը միութիւններում: «Սա հաւաքական ուժի դրսեւորման ձեւ է նաեւ»,- նշեց նա:
