Ատրպատականի հայոց թեմի առաջնորդը այցելեց հիւանդանոցում խնամւող հայերին

Ատրպատական, ազգային առաջնորդարան, Թաւրիզ – Ամանորի եւ Սուրբծննդեան ու աստւածայայտնութեան նւիրական տօների առիթով, Ատրպատականի հայոց թեմի առաջնորդ՝ Գերշ. Տ. Գրիգոր Արք Չիֆթճեանի գլխաւորութեամբ մի խումբ հայորդիներ այցելեցին պետական հիւանդանոցում պատսպարւած հայ հիւանդներին:

Այցելուների խմբին մաս էին կազմում Թեմական խորհրդից, Խնամակալ մարմնից եւ Ազգային առաջնորդարանի պաշտօնեաներից անհատներ: Այցելուների խմբին առաջնորդում էր պատսպարեալների պետական Խնամակալ՝ Անի Յակոբեանը:

Նոր տարւայ առիթով նրանց որպիսութիւնը հարցնելու եւ ուրախացնելու նպատակով, Երկուշաբթի, 19 Յունւար 2026-ի կէսօրւան ժամը 11-ին, խումբը ժամանեց ՙՌազի՚ հիւանդանոց: Սրբազան հայրը, հիւանդաց Խնամակալ Անի Յակոբեանի եւ Թեմական խորհրդի ատենադպիր՝ Վարդան Կարապետեանի հետ այցելեց ընդհանուր տնօրէնի դոկտ.. Ասկարզադէի, հիւանդանոցի բժշկապետ դոկտ.. Միրաբի եւ հաստա-տութեան ներքին կառավարիչ Ֆէյզիի հետ, եւ Ազգային իշխանութեան անունից շնորհակալութիւն յայտնեց հայ կարիքաւորների նկատմամբ ցուցաբերւած բացառիկ խնամքի համար:

Սրբազան հայրը երախտագիտութիւն յայտնեց նաեւ Իրանի Իսլամական հանրապետութեան առողջապա-հութեան նախարարութեան եւ փոքրամասնութեան գրա-սենեակին, որոնց անխոնջ ջանքերի շնորհիւ սոյն հիւանդանոցը երկար տարիներից ի վեր երկու հայ հիւանդներին խնամում է ամբողջութեամբ անվճար, հայ համայնքի նկատմամբ յարգանքի իբրեւ արտայայտութիւն:

Ընդհանուր տնօրէնը շնորհակալութիւն յայտնեց անկեղծ արտայայտյութիւննե րի եւ սիրալիր այցելութեան համար, պատրաստակամութիւն յայտնելով շարունակե-լու իրենց օժանդակութիւնը հայ հիւանդներին:

Այս առիթով, Թեմական խորհրդի անունից, Սրբազան հայրը արծաթեայ յատուկ յուշանւէր յանձնեց ընդհանուր տնօրէնին:

Հիւանդանոցի դարմանատան մէջ, տնօրէնութեան յատուկ կարգադրութեամբ, առաջնորդ Սրբազանը եւ նրա ընկերակիցները հանդիպեցին հայ հիւանդների՝ Էմիլ եւ Էմմա Այւազեանների հետ, աղօթելով եւ Սուրբծննդեան ողջոյնը փոխանակելով: Այս առիթով երգւեցին տօնի յատուկ ՙԽորհուրդ մեծ՚ եւ ՙԼուռ գիշեր՚ հոգեւոր երգերը: Տօնական մթնոլորտ ստեղծւեց պատսպարեալների համար, յատկապէս երբ նւէրներ բաշխւեցին, Ազգային իշխանութեան կողմից տրամադրւած:

Խմբին մասնակից ազգային առաջնորդարանի պաշտօնեաները հիւրասիրեցին պատսպարեալներին խմորեղէնով եւ այլ ուտեստներով, մտերմիկ մթնո-լորտում զրուցելով նրանց հետ եւ փոխանցելով համայնքի սէրն ու ողջոյնները:

Հրաժեշտ առնելուց առաջ, ՙԿարգ Հիւանդաց՚-ի աղօթքով Սրբազան հայրը առողջութիւն մաղթեց հիւանդներին:

Այցելուները կարօտի զգացումներով եւ դարձեալ հանդիպելու յոյսով հրաժեշտ տւեցին պատսպարեալներին: