Պատգամաւոր Արա Շահվերդեանի այցը Ատրպատականի հայոց թեմ
«Ալիք» – Իրանի Իսլամական խորհրդարանում Թեհրանի եւ հիւսիսային իրանահայութեան պատգամաւոր դոկտ. Արա Շահվերդեանի գրասենեակից տեղեկանում ենք, որ պատգամաւորը այցելել է Ատրպատականի հայոց թեմ:
Այցի ընթացքում պատգամաւորը հանդիպում է ունեցել Ատրպատականի հայոց թեմի առաջնորդ Տ. Գրիգոր արք. Չիֆթճեանի, Թեմական խորհրդի ատենապետ Գագիկ Ջորջեանի եւ խորհրդի անդամ Ալէն Սայեադեանի հետ:
Հանդիպման ընթացքում կողմերը քննարկել են Ատրպատականի հայոց թեմի հարցերը եւ հիմնականում անդրադարձ է կատարւել թեմում երկու եկեղեցիների վերանորոգման համար պետական բիւջէ յատկացնելու հարցի մասին:
Տեղեկատւութեան համաձայն՝ պատգամաւորը, այդ հարցով նամակով դիմել է Իրանի Մշակոյթի եւ Իսլամական առաջնորդութեան նախարար Սէյէդ Աբբաս Սալեհիին, որպէսզի համապատասխան բիւջէ յատկացւի արեւելեան Ատրպատական նահանգի մշակոյթի գերատեսչութեանը, որպէսզի հնարաւոր լինի յատկացւող բիւջէով վերանորոգել պատկան հայկական եկեղեցիները:
