«ԱԼԻՔ» – Նախաձեռնութեամբ Հ. Մ. Մ. «Նայիրի» եւ Հ. Մ. «Սիփան» միութիւնների, թւականիս փետրւարի 22-ին եւ 23-ին Հ. Մ. «Սիփան» միութեան «Նորայր Էլսայեան» մարզադահլիճում տեղի ունեցաւ Ֆուտսալի քառակողմ մրցաշար, նւիրւած «Ֆաջր»-ի տասնօրեակին եւ հայ նահատակների յիշատակին:
Չորս խմբեր՝ Հ. Մ. «Սիփան» միութեան, Հ. Մ. Մ. «Նայիրի» միութեան, Հայ Բարեգործական Ընդ. միութեան եւ «Հրազդան» խմբի մարզիկները երկու օրերի ընթացքում մրցակցել են միմեանց հետ: Բացման հանդիսութեանը հրաւիրւած էին՝ միութիւնների վարչութիւնների նախագահներ եւ վետերան մարզիկներ եւ հանդիսատեսներ: Խաղերի բացման խօսքը ներկայացրեց Սաքօ Ազիզեանը, նշելով, որ նման միջոցառումներ կարեւոր քայլեր են մեր նոր սերնդին քաջալերելու զբաղւել մարզանքով:
